1 Samuel 9:4 - MUKANDA USANDU WA ZAMBI 1975

⁴ Iye yapalika ndusu mu chifuchi cha Eframe ku milundu, ni ndusu mu chifuchi cha Shalisha alioze kaawanyine. Yapalika ndusu mu chifuchi cha Shalimi, hindu akuhi. Yapalika ndusu mu chifuchi cha Mbenjamine hindu kaawanyine.

Mukanda Wa Zambi 1970

⁴ No yaabalika mu chifuchi cha milundu ya Efraime ni mu chifuchi cha Shalisha, hindu kaawanyine ko. Yaabalika mu chifuchi cha Shalime, ni mu chifuchi cha Benjamine, hindu kenu.

1 Samuel 9:4 Iomraidhean Croise

Ubutukilo 33:18

Chocho Yakomba yaheta ni sambukila ndo ku chihunda cha Shekeme mu chifuchi cha Kanana, ha kukatuka ku Panda-narame. Yasa mbalaka yenyi kulutwe lia chihunda.

1 MIANANGANA 4:42

Kwakatukile umwe lunga ku Mbale-Shalisha nikuneha kuli mutu wa Zambi mbolo ya mihuko yitangu, makumi aali a mbolo ja sevada, ni njeke ya mbuto ya wisu. Elisha yamba ngwenyi, Hanenu kuli atu, alie.

Yoano 3:23

Ni Yoano nawa wapwile nikupapachisa mu Enone hakamwihi ni Salini, mumu kwapwile meya anji kuze, ni atu apwile nikuyaya nikutambula upapachiso.

Yoshua 19:42

ni Shalabini, ni Ajalone, ni Itela,

Yoshua 24:33

Eleazare mwana wa Arone yafwa, yamufunda mu Ngibia, chihunda cha Finehase mwanenyi, chize amuhele mu chifuchi cha Eframe ku milundu.

Akwa Kuyula 17:1

Kwapwile umwe lunga wa ku chifuchi cha Eframe ku milundu, jina lienyi Mika.

Akwa Kuyula 19:1

Ha matangwa aze, shimbu te mwanangana wakuhi mu Izalele umwe Ka-Levi Watwamine mu chifuchi chisuku cha ku milundu ya Eframe. Iye watambwile umwe *konkubina ya ku Mbeteleme-Yunda.

1 Samuel 1:1

Kwapwile umwe lunga wa Ramataime-Zofime mu chifuchi cha Eframe ku milundu, jina lienyi Elekana, mwana wa Jerohame, mwana wa Elihu, mwana wa Tohu, mwana wa Zufu, Ka-Eframe.

1 Samuel 9:3

Yimbulu ja Kishi tato ya Saulu yajimbala. Kashika Kishi yamba kuli mwanenyi Saulu ngwenyi, Twala umwe ngamba, yako ufupe yimbulu.