1 Samuel 9:13 - MUKANDA USANDU WA ZAMBI 1975

¹³ Ha kuheta mu chihunda munumuwana lume shimbu kanda achikanduka ku nangamo mukulia, mumu atu kechi kulia ndo meza, se iye kakuwahisa chitapo mba waze hanaalakenya malia. Kashika yénu, mumu ola yino yene munumuwana.

1 Samuel 9:13 Iomraidhean Croise

2 Samuel 15:11

Kwayile hamwe ni Absalome kulakaji aali a malunga a ku Yerusaleme. Te hanaalakenya, mba o ayile nikwalajala. Kanyingikine nichimwe.

Mateu 14:19

Wambile mbunga atwame ha mwambu, wanjile mbolo jitano ni yishi aali, nikuhetula meso jenyi kwilu, wawahishile mbolo, wajipalwile, wajihanyine kuli tumbaji, mba tumbaji ajihanyine ku mbunga.

Mateu 26:26

Shimbu machilia, Yesu wanjile mbolo, wayiwahishile, wayipalwile; wahanyine kuli tumbaji twenyi, ngwenyi, Wenu, nulie; mbolo yino mujimba wami.

Marku 6:41

Iye wanjile mbolo jitano ni yishi aali, nikuhetula meso jenyi kwilu, wawahishile, wapalwile mbolo, wajihanyine kuli tumbaji twenyi, hanga ajitumbike kumeso jo; ni yishi aali wanyine hakachi ka eswe.

Luka 24:30

Muze te hatwama ku mesa hamwe no, wanjile mbolo, wayiwahishile; iye nikuyipalula waaheleyo.

Luka 9:16

Iye wanjile mbolo jitano ni yishi aali, nikuhetula meso kwilu, wajiwahishile, wajipalwile, wajihanyine kuli tumbaji twenyi ajisele kumeso ja mbunga.

Yoano 6:11

Yesu kashika wanjile mbolo; ni muze te hasakwila, wayipangilile kuli waze atwamine; ni tuyishi nawa chizechene, chize cheswe azangile.

Yoano 6:23

(Alioze mato akwo akatukile ku Taipiria, ahetele hakamwihi no homa haze alilile mbolo, muze te Mwene hasakwila):

1 Korintu 10:30

Kachi mungutambula ni kusakwila, kuchi te anahanjika yipi hali yami ha chize nakuchisakwilila?

1 Timoteu 4:4

Mumu chitanga cheswe cha Zambi kuchinapeme, kuchatambile kulituna nichimwe nyi machitambula ni kusakwila;

1 Samuel 2:35

Mba mungulisolwela sasendote umwe wa jika, yoze malinga nikulita ni yize yeswe yili mu mbunge yami ni mu manyonga jami. Mungumutungila zuwo likolo. Iye mendela ndo ku miaka yeswe kumeso ja yoze hingunamuwayisa ni maji.

1 Samuel 9:14

Yakanduka ku chihunda, mba ha kunjilamo kumanyi Samuel kanatuhuka, yatakana no ha kukanduka ku nangamo.