1 Samuel 8:9 - MUKANDA USANDU WA ZAMBI 1975

⁹ Kashika panjika ku liji lio, hindu muatoweza ni tachi nikwalweza chize mapwa mwe mwanangana yoze maayula.

Mukanda Wa Zambi 1970

⁹ Kashika banjika ku maliji jo, alioze waatoweza chikolo ni kwalumbunwina ngwe chize mianangana jo maakamwesa lamba.”

1 Samuel 8:9 Iomraidhean Croise

Jeremia 11:7

Mumu natowezele tulamba twenu ni tachi muze naachijile ku chifuchi cha Engitu, nikwatoweza tangwa ha tangwa ndo musono uno ngwami, Ononokenu ku liji liami.

Ezekiel 3:18

Nyi mungwamba kuli chingulungulu ngwami, Kumuofwa, ni yena kwamutowezele, chipwe kuhanjika kukanjisa chingulungulu mu jila yenyi ya ungulungulu akalamwine mwono wenyi, chingulungulu kumafwa mu uhenge wenyi; alioze ku kwoko lie munguhula manyinga jenyi.

Ezekiel 46:18

Mulemu kechi katambula chihinga cha umwe mutu ni kumuchiza ku upite wenyi. Makahingisa ana jenyi a malunga ku upite wenyi mwene, chocho niumwe wa atu jami mamutambula upite wenyi.

1 Samuel 10:25

Mba Samuel yalumbununa kuli atu je shimbi ja wanangana; yajisoneka mu mulanda nikuutumbikila kumeso ja Yehova. Samuel yashika ni atu, yaatuma mutu mweswe ku zuwo lienyi.

1 Samuel 12:1

Samuel yamba kuli A-Izalele eswe ngwenyi, Hinapanjika ku liji lieswe nwambile kuli yami. Hinanwaha mwanangana kunuyula.

1 Samuel 14:52

Kwapwile jita yikalu ni A-Filistea matangwa eswe a Saulu, mba muze Saulu yamona umwe chitakame hanji umwe mukwa hamu, yamutambula.

1 Samuel 2:13

Ha kutwala kuli atu ndako ja asasendote jino, muze mutu walambwile chitapo ngamba ya sasendote wejile ni lungarfu lwa misako yitatu mu kwoko lienyi shimbu machiteleka ye yifwo;

1 Samuel 8:8

Nikulita ni yilinga yo yeswe chize ku tangwa naachijile ku Engitu ndo musono, nikungwehuka, nikulingila mazambi eka chocho anakulingi nawa yena.