1 Samuel 8:7 - MUKANDA USANDU WA ZAMBI 1975

⁷ Yehova yamba kuli Samuel ngwenyi, Panjika kuli atu, liji lieswe makwamba, mumu kalitunyine yena, alioze yami analitunu. Kazangile ngupwe mwanangana wo.

Mukanda Wa Zambi 1970

⁷ Neye yakumbulula ngwenyi: “Banjika maliji eswe waze atu maakwamba, mumu kalitunyine ko yena, alioze kaalituna yami. Kaazangile yami kubwa mwanangana wo.

1 Samuel 8:7 Iomraidhean Croise

Kutuhuka 16:8

Mose yamba ngwenyi, Muze ha chingoloshi Yehova makanwaha yifwo nukalie; mba ha kucha mbolo nukakute mununyingika Yehova kanevu kulinyenyeta chenu ni iye. Yetu aya kevwe? Kunwalinyenyetene ni yetu, ka, alioze ni Yehova.

Izaya 66:4

Yami nawa mungwatongwela luyinda; mungukoka hali ayo yize akuyivwila woma. Mumu ha kusanyika chami, niumwe kakumbulwile; ha kuhanjika chami, niumwe kapanjikile. Alioze alingile chipi kumeso jami; atongwele yize yami Chawahililile nayo.

Jeremia 34:14

Ha mwaka wamuchishimbiali munutusula Ka-Hepreu ni mukwenu mweswe hinwalanda mba hanulingila miaka yisambano. Chanutamba kumutusula ku milimo yenu. Alioze tulamba twenu kapanjikile chipwe kutela matwi.

Ezekiel 2:3

Yamba kuli yami ngwenyi, Mwana mutu, ngunakutumu kuli A-Izalele, vungu lia yihulia waze hanangukatukila, o ni tulamba two hanguvulumuna ndo tangwa lino lia musono.

Ezekiel 3:7

Alioze akwa munyachi wa Izalele kechi kukwivwa, mumu kazangile kungwivwa yami. Mumu akwa munyachi wa Izalele eswe kali ni mahuma akalu, ni mbunge ja pami.

Kwalula 22:20

Zambi yaheta kuli Mbalau ha ufuku, yamba kuli iye ngwenyi, Nyi malunga heza mukukusaka, katuka uye no; hindu lie liji yami ngunakwambe, lioliene wika ukalilinge.

Mateu 10:40

Yoze manutambula, mangutambula yami; yoze mangutambula yami, matambula yoze wangutumine.

Luka 10:16

Yoze manwivwa, mangwivwa yami; ni yoze malituna yenu, malituna yami; ni yoze malituna yami, malituna yoze wangutumine.

Luka 19:14

Alioze enya chifuchi chenyi amuvwilile kole, atumine tunganda kunyima yenyi, ngwo, Kutusolo yono kutuyula.

Luka 19:27

Alioze wano akwa kole jami, waze kazangile yami ngwayule, anehenu kuno, nwashihe kumeso jami.

Yoano 13:16

Pundu, pundu, ngunambe kuli yenu ngwami, Ndungo keshi kuhiana mwene wenyi; chipwe yoze watumiwa keshi kuhiana yoze wamutumine, ka.

Akwa Kuyula 8:23

Ngideone yaakumbulula ngwenyi, Ami chichi kupwa mukwa kunuyula, chipwe mwanami. Mukwa kunuyula Yehova.

1 Samuel 10:19

Hindu tangwa lino lia musono hinwalituna Zambi yenu mukwa kunulamwina ku luyinda wenu mweswe ni lamba lienu lieswe, nikwamba kuli iye ngwenu, Hi chocho ko, alioze nutusele mwanangana kutuyula. Kashika solokenu kumeso ja Yehova nikulita ni minyachi yenu ni tununu twenu.

1 Samuel 12:1

Samuel yamba kuli A-Izalele eswe ngwenyi, Hinapanjika ku liji lieswe nwambile kuli yami. Hinanwaha mwanangana kunuyula.

1 Samuel 12:12

Muze nwamwene Nahashi mwanangana wa A-Amone kaneza kulimika ni yenu nwambile kuli yami ngwenu, Ka, tunazange mwanangana atuyule, shimbu te Yehova Zambi yenu iye mwanangana wenu.

1 Samuel 8:22

Yehova yamba kuli Samuel ngwenyi, Panjika ku liji lio ukaalingile mwanangana. Samuel yamba kuli malunga a Izalele ngwenyi, Yénu eswe ku yihunda yenu.

1 Samuel 8:8

Nikulita ni yilinga yo yeswe chize ku tangwa naachijile ku Engitu ndo musono, nikungwehuka, nikulingila mazambi eka chocho anakulingi nawa yena.