1 Samuel 8:4 - MUKANDA USANDU WA ZAMBI 1975

⁴ Mba makulwana eswe a Izalele akungulukilile kuli Samuel mu Rama.

Mukanda Wa Zambi 1970

⁴ Mba makulwana eswe ja Aisraele yaalikungulula kuli Samuel ku Rama,

1 Samuel 8:4 Iomraidhean Croise

2 Samuel 3:17

Abenere yatwama punga ni makulwana a Izalele ngwenyi, Ha shimbu nwafupile David akapwe mwanangana wenu.

2 Samuel 5:3

Chocho makulwana eswe a Izalele yeza kuli mwanangana mu Heprone, mba mwanangana David yakolesa no usendo kumeso ja Yehova mu Heprone. No awayishile David mwanangana wa Izalele.

Kutuhuka 24:1

Iye yamba kuli Mose ngwenyi, Kandukenu kuli Yehova, yena ni Arone ni Nandambe ni Ambihu ni makumi shimbiali a makulwana a A-Izalele. Nukawayilile kusuku.

Kutuhuka 3:16

Yako ukakungulule hamuwika makulwana a A-Izalele. Amba kuli ayo ngwe, Yehova, Zambi ya tulamba twenu, Zambi ya Apalahama, ni ya Izake, ni ya Yakomba, hanasoloka kuli yami ngwenyi, Pundu hinanutala, hinamona chize ananulingi mu Engitu.

1 Samuel 1:19

O eswe yalimeneka, yawayila kumeso ja Yehova, yahiluka ku zuwo lio mu Rama. Elekana yalimona ni mukwo-pwo mba Yehova yamwiwuluka.

1 Samuel 11:3

Makulwana a Njabeshe yamba kuli iye ngwo, Utwehe matangwa shimbiali tutume mikeji kweswe ndo ku njiza jeswe ja Izalele. Nyi kukushi waze matulamwina mba mututuhuka kuli yena.

1 Samuel 7:17

Alioze wafulukile matangwa eswe ku Rama se kwenako kwapwile zuwo lienyi mba yayulilako A-Izalele. Yatungilako chilumbilo kuli Yehova.

1 Samuel 8:10

Samuel yambulula maliji eswe a Yehova kuli atu aze echile mwanangana.