1 Samuel 8:3 - MUKANDA USANDU WA ZAMBI 1975

³ Anenyi kendele mu ndako ja tato. Apiasukile nikukaula upite. Atambwile chindo nikuhongesa upatwilo.

Mukanda Wa Zambi 1970

³ Alioze ana jenyi keembulwile ko ndako ja tato. Yazanga ubite wika, Chenacho atambwile ubite wa mbenga ni kuhengesa ubatwilo.

1 Samuel 8:3 Iomraidhean Croise

2 Samuel 15:4

Absalome yaweza nawa ngwenyi, Nyi kachi nguli sopi mu chifuchi, kachi mutu mweswe kali ni chikuma hanji mulonga meza kuli yami, kachi mungumupatwila kanawa!

Miaso (Masamu) 15:5

Yoze keshi kuhana mbongo jenyi ha mbwezo; keshi kutambula mbongo ja kuhisa yoze keshi mulonga. Yoze wakulinga yino yuma keshi kukokoloka nilimwe tangwa. Mikatame ya David.

Miaso (Masamu) 26:10

Mu moko jo mwatwama uhuka, kwoko lio lia chindume Hazala ni mbongo ja unjiliji.

Kutuhuka 18:21

Chikwo nawa ukalitalile malunga yitakame a kuli atu, a kuvwila woma Zambi, malunga amwenemwene, a kuvwila lwaji chipululu. Ukaapwise miata jo; akapwe akwa kuyula tununu twa atu, akwa kuyula makulakaji, akwa kuyula makumi atano, akwa kuyula kumi lia atu.

Kutuhuka 23:6

Kanda ukahengesa upatwilo wa mukwenu chiswale ku chikuma chenyi.

Kutuhuka 23:8

Kanda ukatambula chijiko, mumu chijiko kuchakupupuchisa waze akwete meso. Kuchakuhengesa maliji a mukwa ululi.

Longeshi 2:19

Iya kananyingika nyi mapwa mukwa mana nyi chihepuke? Hindu makayula milimo yami yeswe yize nahondanganyine nikusolola mana jami kushi lia tangwa. Chino nawa chapwa chamokomoko.

Izaya 1:23

Alemu jenu o akwa kukolema, masepa je eji. Mutu mweswe kanazange chindo, kakufupa chijiko. Kafungile ana-ashiwa, ni chikuma cha tuliwa kuchaahetele.

Izaya 33:15

Yoze kakwenda ni ululi nikuhanjika chize chinate; yoze kakulelesa upite uze unakatuka ku kupinjisa akwo, kakusakumuna moko jenyi kuchina makwata ku chijiko, kakujika matwi jenyi kuchina mevwa yuma ya kumwanga manyinga, kakutuka meso jenyi kuchina mamona uhenge.

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Shimbi 16:19

Kanda nuhengesa upatwilo; kanda nupwa ni katonde; chipwe kanda nutambula chindo, mumu chindo kuchapupuchisa meso ja mukwa mana, kuchahengesa chikuma cha mukwa ululi.

1 Timoteu 3:3

hi mukwa chimbangwinya ku vinyu ko; hi mukwa kumbufula, ko; alioze chimbovu, hi mukwa ndombo ko; hi mukwa kufwila mbongo ko;

1 Timoteu 6:10

Mumu chipululu cha mbongo chikota cha yipi yeswe: amwe nikujifupa, hanapianguka ku Ufulielo, hanalituwu ni yikola yinji.

1 Samuel 12:2

Haliapwila mwanangana kanende kumeso jenu ni yami hinapwa mukulwana ni kambu jitoma, ni anami a malunga kwali hakachi kenu. Hingunende kumeso jenu chize ku wanuke wami ndo musono.

1 Samuel 2:35

Mba mungulisolwela sasendote umwe wa jika, yoze malinga nikulita ni yize yeswe yili mu mbunge yami ni mu manyonga jami. Mungumutungila zuwo likolo. Iye mendela ndo ku miaka yeswe kumeso ja yoze hingunamuwayisa ni maji.