1 Samuel 7:3 - MUKANDA USANDU WA ZAMBI 1975

³ Samuel yamba kuli A-Izalele eswe ngwenyi, Nyi nunahilukila Yehova ni mbunge jenu jeswe katwisenu hakachi kenu mazambi eka ni Asatarote nukatalikise mbunge jenu kuli Yehova nikumulingila iye wika. Mba kumakanupulula kuli A-Filistea.

Mukanda Wa Zambi 1970

³ Samuel yambila Aisraele ngwenyi: “Nyi munuhiluka kuli Mwene Zambi ni mbunge jenu jeswe, chizenu mazambi eswe a yilambala hakachi kenu, ni mahamba ja zambi wa pwo Astarte. Likunjikenu liakulu kuli Mwene Zambi ni kumulingila iye wika. Mba makanulamwina ku moko ja Afilistia.”

1 Samuel 7:3 Iomraidhean Croise

Ubutukilo 35:2

Kashika Yakomba yamba kuli akwa zuwo lienyi ni waze eswe apwile no ngwenyi, Mbilenu mahamba a tundaka nuli no hakachi kenu, lipemesenu, zalenu mazalo eka,

1 Yitanga Ya Mianangana 11:33

Munguchilinga mumu hanangwehuka akawayile Asatarote zambi ya A-Sendone, ni Chemoshe zambi ya Moape, ni Milikome zambi ya A-Amone. Kendele mu majila jami kulinga chize changupemena, nikufunga yiyulo yami ni upatwilo wami ngwe tato David walingile.

1 Yitanga Ya Mianangana 8:48

Nyi mahiluka kuli yena ni mbunge jo jeswe ni kuzanga cho cheswe mu chifuchi cha akwa kole jo waze haatwalako funge akalembe nikutalikisa ku chifuchi cho chize wahanyine kuli tulamba two; limbo lize hiwatongola; ni zuwo lino hinatunga ha jina He,

1 MIANANGANA 17:39

Alioze Yehova Zambi yenu muvwilenu woma, mba iye kumanupulula ku moko ja akwa kole jenu eswe.

1 MIANANGANA 23:15

Chikwo nawa chilumbilo chize chapwile ku Mbetele, ni lie nangamo Jeroboame mwana Nebate watungile, yoze wavulumwishine A-Izalele, chipwe chilumbilo chize ni nangamo yapuzula. Yocha lie nangamo, yalifwenya wunga; yocha mwe Ashera.

1 Sango Ja Mianangana 22:19

Senu mbunge jenu ni mwono wenu kukaula Yehova Zambi yenu. Katukenu kashika, nutunge zuwo lisandu lia Yehova Zambi, nukanehe nawa mushete wa usendo wa Yehova, ni yikwachilo yisandu ya Zambi mu zuwo lize matunga ha jina lia Yehova.

1 Sango Ja Mianangana 28:9

Ni yena, mwanami Solomone, nyingika Zambi ya tatenu ukamulingile ni mbunge yingunu ni manyonga a kulitumbikila. Mumu Yehova kakupolongoza mbunge jeswe ni kakunyingika kutaka cha manyonga eswe. Nyi mumufupa mumuwana, alioze nyi mumwehuka kumakumbila ndo ku miaka.

2 Sango Ja Mianangana 19:3

Hindu yimwe yuma yipema hayiwana muli yena se wachijile Ashera mu chifuchi, mba wasele mbunge ye kufupa Zambi.

2 Sango Ja Mianangana 20:33

Hindu kachijile manangamo, e atu kanda achisa mbunge jo kuli Zambi ya tulamba two.

2 Sango Ja Mianangana 30:19

waze masela mbunge jo kufupa Zambi Yehova, mwe Zambi ya tulamba two, chipwe kalingile nikulita ni shimbi ja zuwo lisandu ja kulipemesa.

Yishima 16:1

Kuhala cha mbunge chili kuli mutu; alioze kumbululo lia mu kanwa Unakatuka kuli Yehova.

Izaya 55:7

Chingulungulu akambile ndako jenyi, mukwa uhenge akambile manyonga jenyi. Eze kuli Yehova hanga amuvwile keke; eze kuli Zambi yetu mba mamwaha ukonekeno wa kulumbama.

Jeremia 24:7

Mungwaha mbunge ya kunyingika ngwo, Iye Yehova; mba o kumakapwa atu jami ni yami kumungukapwa Zambi yo mumu mahilukila kuli yami ni mbunge jo jeswe.

Jeremia 36:3

Hanji munyachi wa Yunda mevwa yuma yikalu yeswe yize ngunambe kulinga kuli ayo hanga mutu mweswe akatuke ku ndako jenyi jipi ngukaakonekene uhenge wo ni shili yo.

Jeremia 4:1

Yehova kanambe ngwenyi, Ena Izalele, nyi muhiluka chatamba kuhiluka kuli yami. Nyi muchiza yizelwokeso ye kumeso jami nikukakashana ka;

Ezekiel 14:6

Kashika amba kuli akwa munyachi wa Izalele ngwe, Mwene Yehova kanambe ngwenyi, Likonyekenu nukatuke ku mahamba jenu, nuchize meso jenu ku yuma yenu yeswe ya lwaji.

Ezekiel 18:31

Mbilenu Utanguko weswe uze hinwalinga kulimika ni yami, nukatambule mbunge jaha ni Spiritu jaha! Kuchi te munufwa, enu akwa munyachi wa Izalele?

Hosea 14:1

Enu A-Izalele, hilukenu kuli Yehova Zambi yenu, mumu hinwalimbuka ha mukunda wa uhenge wenu.

Mateu 15:8

Wano atu kakungulemesa ni mivumbo yo; Alioze mbunge jo jili kusuku ni yami.

Mateu 4:10

Hohene Yesu yamba kuli iye ngwenyi, Sosolokako Satana: mumu chinasonewa ngwo, Ukawayile Mwene Zambi ye, iye wika ukamulingile.

Mateu 6:24

Niumwe mahasa kulingila miata aali: mumu hanji mavwila kole umwe, mazanga mukwo; hanji makakaminya kuli umwe, malelesa mukwo. Kunwahashile kulingila Zambi ni kulingila upite hamuwika.

Luka 4:8

Yesu wamukumbulwile, ngwenyi, Sosoloka kunyima yami, Satana, mumu chinasonewa ngwo, Ukawayile Mwehe Zambi ye, Iye wika ukamulingile.

Yoano 4:24

Zambi iye Spiritu: ni waze akumuwayila chaatamba kumuwayila mu uspiritu ni mu umwenemwene.

Shimbi 10:20

Nukavwile woma Yehova Zambi yenu, nukamuvumbike iye, nukamulalaminye, nukalishinge ni jina lienyi.

Shimbi 13:4

Nukakaule Yehova Zambi yenu, numuvwile woma, nufunge maliji jenyi a shimbi, nuzeyele liji lienyi, numuvumbike, numulalaminye.

Shimbi 4:29

Alioze nyi munukafupako Yehova Zambi yenu munukamuwana, nyi munukamufupa ni mbunge jenu jeswe ni alma jenu jeswe.

Shimbi 6:13

Nukavwile woma Yehova Zambi yenu, nukamuvumbike iye, nukalishinge ni jina lienyi.

Yoshua 13:31

ni chihanda cha ha muchima cha Ngiliate, ni Asatarote, ni Endreya, membo a mu chifuchi cha Oge mu Mbashane; yino ayihanyine kuli A-Makire mwana wa Manase, ha chihanda cha ha muchima cha A-Makire nikulita ni minyachi yo.

Yoshua 24:14

Kashika vwilenu woma Yehova haliapwila, numulingile ni mbunge yimuwika ni kushishika. Chizenu hakachi kenu mazambi aze tulamba twenu akombelelele sali lize lia Lwiji, ni mu Engitu, hanga nukalingile Yehova.

Yoshua 24:23

Iye yamba ngwenyi, Nyi chocho mbilenu mazambi a tundaka nuli no hakachi kenu, nukatalikise mbunge jenu kuli Yehova mwe Zambi ya Izalele.

Akwa Kuyula 10:16

Chocho ambilile hakachi ko mazambi a tundaka apwile no. Alingilile Yehova mba iye wevwilile kupiha luyinda wa Izalele.

Akwa Kuyula 10:6

Mba A-Izalele alingile chipi kumeso ja Yehova cheka nawa, nikulingila Ambale ni Asatarote mazambi ja A-Seria, ni mazambi ja A-Sendone, ni mazambi ja A-Moape, ni mazambi ja A-Amone, ni mazambi ja A-Filistea. Yehuka Yehova. Kamulingilile.

Akwa Kuyula 2:11

A-Izalele alingile chipi kumeso ja Yehova nikuvumbika Ambale,

Akwa Kuyula 2:13

Ehukile Yehova nikuvumbika Ambale ni Asatarote.

1 Samuel 31:10

Yasa mazalo jenyi mu tembele ya Asatarote. Yahachila mujimba wenyi ha chipanga cha Mbete-Shane.