1 Samuel 7:1 - MUKANDA USANDU WA ZAMBI 1975

¹ A-Kiriate-Yerimi yeza yanda mushete wa Yehova yautwala ku zuwo lia Abinadambe ha mulundu. Yasela ku usandu mwanenyi Eleazare kufunga mushete wa Yehova.

Mukanda Wa Zambi 1970

¹ Akwa Kiriate Jearime yeeza, yaanda mushete wa Usendo wa Mwene Zambi, yaautwala mu zuwo lia umwe lunga, jina lienyi Abinadabe, yoze te watwama ha mulundu. Yaakunjika mwanenyi Eleazare ni kuufunga.

1 Samuel 7:1 Iomraidhean Croise

1 Sango Ja Mianangana 13:3

Mba tunehenu kuli yetu nawa mushete wa Zambi yetu, se ha matangwa a Saulu kutwahulileko.

Miaso (Masamu) 132:6

Twachivwile mu Efrata; twachiwanyine mu munda wa Ngale.

Izaya 52:11

Katukenu! Katukenu! Tuhukenumo! Kanda nukwata ku chuma cha luchisa. Yenu nwakumbata yikwachilo ya Yehova, katukenumo nulipemese.

Yoshua 18:14

Mba njiza yakondoloka; yaya sali lia Chitokelo lia mulundu wa ku Sule hindu kutalikisa ku Sule kulitalangana ni Mbete-Horone, yasulila ku Kiriate-Mbale (likwo Kiriate-Yerimi) chihunda cha munyachi wa Yunda. Ayo yeswe njiza ya ku Chitokelo.

Yoshua 9:17

A-Izalele yakatuka, yaheta ku yihunda yo ha tangwa liamuchitatu. Majina ja yihunda yo Ngibeone, ni Chefira, ni Mberote, ni Kiriate-Yerimi.

1 Samuel 6:21

Yatuma mikeji kuli A-Kiriate-Yerimi ngwo, A-Filistea haneha nawa mushete wa Yehova. Palumukenu nukausake.

1 Samuel 7:2

Chize ku tangwa lize mushete wejile kutwama mu Kiriate-Yerimi kwapalikile shimbu linene, makumi aali a miaka, mba vungu lieswe lia Izalele alinyengene nikufupa Yehova.