1 Samuel 6:5 - MUKANDA USANDU WA ZAMBI 1975

⁵ Kashika munulinga tuponya twa yivunda yenu ni tuponya twa tumbi aze anapihisa chifuchi nukalemese Zambi ya Izalele. Hanji malelumwisa kwoko lienyi hali yenu ni hali mazambi jenu ni ha chifuchi chenu.

Mukanda Wa Zambi 1970

⁵ Lingenu tuponya a yivunda ni a tumbi waze anabihisa chifuchi chenu. Lemesenu Zambi ya Aisraele, hanji mecha kunumwesa lamba, yenu ni mazambi jenu, ni chifuchi chenu.

1 Samuel 6:5 Iomraidhean Croise

1 Sango Ja Mianangana 16:28

Hanenu kuli Yehova enu minyachi ya atu, hanenu kuli Yehova ulemu ni tachi.

1 Sango Ja Mianangana 16:29

Hanenu kuli Yehova ulemu wa jina lienyi. Nehenu mulambu nukanjile kumeso jenyi. Wayilenu Yehova mu upeme wa usandu.

Miaso (Masamu) 18:44

Cheswe mevwa liji mangwononokena. Yilambala manguzeyela.

Miaso (Masamu) 32:4

Mwalwa ni ufuku kwoko lie Kangulemene; tachi jami jomine ngwe changa cha lushiho.(Litulike.)

Miaso (Masamu) 39:10

Chiza kama kulamba che kuli yami. Janguhwa ni kungumbufula ni kwoko lie.

Miaso (Masamu) 66:3

Ambenu kuli Yehova ngwenu, Yitanga ye kuyakukolesa woma! Akwa kole je kumakakuzeyela mumu ha unene wa ndundo je.

Kutuhuka 12:12

Mumu te ha ufuku mungupalika ndusu chifuchi cha Engitu, mungulamba e tupula-majimo eswe mu chifuchi cha Engitu, ni kuli atu, ni kuli tushitu. Mungupatwila tuzambi tweswe twa Engitu. Yami Yehova.

Kutuhuka 8:17

Chocho alingile, Arone yolola kwoko lienyi ni mulumbu wenyi, yalamba fufuta ya hashi, mba yina apwile hali atu, ni hali tushitu, fufuta yeswe ndusu mu chifuchi cha Engitu yiyialumuka yina.

Kutuhuka 8:24

Chocho alingile Yehova. Kwahetele mazaji anene a jiji ndo mu zuwo lia Falau ni mu mazuwo ja ngamba jenyi, ewa, ndo mu chifuchi cheswe cha Engitu. Che chifuchi yichipiha mumu ha mukunda wa mazaji a jiji.

Kutuhuka 8:5

Yehova yamba kuli Mose ngwenyi, Ambulwila Arone, ngwe, Olola kwoko lie ni mulumbu we ha njiji, ni ha tupila twa meya, ni ha yitende, ukandwisemo yula-ya-mbwota ha chifuchi cha Engitu.

Izaya 19:1

Liji lia kutwala ku Engitu. Talenu, Yehova kanende ha lelwa lia tambu, kaneza ku Engitu. Kashika tuponya twa Engitu kanachikima kumeso jenyi, ni mbunge ja A-Engitu kumujikasangunuka muchima lio.

Izaya 42:12

Akachichimieke Yehova, akambulwile uhaliso wenyi mu yifuchi ya ku mbaka.

Jeremia 13:16

Chichimiekenu Yehova Zambi yenu shimbu kanda aneha milima, shimbu molu jenu kanda atalinga ha milundu ya kajimba-usoko. Shimbu munufupa pangu iye malialumuna Chizulie cha kufwa, nikulipwisa milima pwi.

Jeremia 3:13

Tayiza uhie we, ngwe hiwakatukila Yehova Zambi ye, nikuzangazanga yilambala mushi lia mutondo weswe wa wisu, ni kwononoka ku liji liami ka. Chocho kanambe Yehova.

Joele 2:25

Mungukanwaha miaka yize ayilile kuli makumbi, ni tuzeze, ni yambi, ni mapasu. Mbunga yinene ya tujita twami natumine hakachi kenu.

Yona 3:9

Iya unanyingika? Hanji Zambi malumuka alikonyeke, atewuluke ku utenu wenyi usasu, ni yetu kutuchi kukuwa.

Malaki 2:2

Yehova-wa-Tujita kanambe ngwenyi, Nyi kunuchi kupanjika ni kuchisa mu mbunge kuchichimieka jina liami mungutuma shingo hali yenu. Yiwape yenu munguyishinga, chipwe haliapwila hinayishinga kulu mumu chino chuma kunwachisele mbunge.

Kwalula 33:4

A-Engitu te machifunda tupula-majimo jo, aalambile Yehova hakachi ko. Yehova yalinga upatwilo nawa ku tuzambi two.

Yoano 9:24

Chocho atambikile chisuho chamuchiali mutu yoze wapupuchile kunyima, ambile kuli iye ngwo, Chichimieka Zambi: tunanyingika yono mutu iye chivulumunyi.

Yoshua 7:19

Henaho Yoshua yamba kuli Akane ngwenyi, Mwanami lemesa Yehova Zambi ya Izalele, ukashikise kuli iye. Ngwambulwile chize walinga. Kanda unguswekelacho.

Usolwelo 11:13

Ha ola yize yene kwapwile minyiko yinene, ni chihanda chimuwika cha ku kumi lia yihanda ya limbo chapuzukile; ashihile mu minyiko tununu shimbiali a atu: ni masalila azalile tò ni woma, mba achichimiekene Zambi ya mwilu.

Usolwelo 14:7

Iye yamba ni liji linene ngwenyi, Ivwenu woma wa Zambi, numuchichimieke; mumu ola ya upatwilo wenyi hiyeza: wayilenu yoze watangile lilu ni hashi ni kalunga-lwiji ni mafuji ja meya.

Usolwelo 16:9

Ni atu apapiwile ni chivukuminya chinene: mba ashililikile jina lia Zambi, yoze wapwile ni chiyulo ha lamba lino: aiioze kalikonyekene akamuchichimieke.

1 Samuel 5:11

Kashika akungulwile miata eswe a A-Filistea ngwo, Katwisenu mushete wa Zambi ya Izalele ukahiluke nawa kuma kwawo kuchina muutushiha ni atu jetu. Mumu kwapwile mwongo wa kufwa ndusu, limbo lieswe mumu kwoko lia Zambi lialemene chikolo hali ayo.

1 Samuel 5:9

Muze hautwalako, kwoko lia Yehova lialimikine ni limbo nikwapinjisa chikolo. Yalamba malunga a limbo ni anene ni akepe, yapwa ni yivunda.

1 Samuel 6:8

Andenu mushete wa Yehova nukause ha temba, mba upite wa oru, uze nunatumu ha mulambu wa uhie nukause hamuwika mu chikasa chimwe, mba munuyituma yikaye yeswe.