1 Samuel 6:3 - MUKANDA USANDU WA ZAMBI 1975

³ O ngwo, Nyi munutuma mushete wa Zambi ya Izalele, kanda nuutuma mokomoko. Chanutamba kumutuma mulambu wa uhie, mba makanuwuka, makanulweza chize chakwika kwoko lienyi kunwecha.

Mukanda Wa Zambi 1970

³ No yaakumbulula ngwo: “Nyi munuhilwisa mushete wa Usendo wa Mwene Zambi ni Aisraele, kanda nuuhilwisa wamokomoko. Chatamba kumutumina mulambu amufwete mumu ha uhiso wenu. Mba manuwuka, ni mununyingika Chuma chize anumwesenene lamba.”

1 Samuel 6:3 Iomraidhean Croise

Jobe 10:2

Mungwamba kuli Zambi ngwami, Kanda unguhisa lume. Ngulweze kama chize unguli nacho.

Kutuhuka 23:15

Ukafunge chiwanyino cha mbolo kuyishi futunwiso. Ukalie mbolo kuyishi futunwiso matangwa shimbiali ngwe nakwambile, haze naselele ha kakweji ka Ambimbi, mumu ha yoze mwene yena wakatukile ku Engitu. Kanda akasoloka kumeso jami mokomoko.

Kutuhuka 34:20

Kapula-jimo wa chimbulu ukamukule ni mwana-panga. Nyi kwazangile kumukula, ukamumakune kota. Tupula-majimo eswe a kuli ana je a malunga ukaakule. Niumwe kanda akasoloka mokomoko kumeso jami.

Kutuhuka 8:15

Alioze muze Falau amwene ngwenyi, Kuliwima chiliko, yakalisa mbunge yenyi, kahalakanyine kuli ayo chizechene ngwe Yehova wambile.

Alevi 5:6

Akanehe kuli Yehova mulambu wa uhie ha mutonga uze havulumuna, chihwo wa ku chendo, chipwe panga chipwe pembe, akapwe mulambu ha shili. Mwe sasendote akamufukile shili yenyi.

Alevi 6:6

Akanehe kuli Yehova mulambu wenyi wa uhie kuji ya panga wa ku chendo, yoze keshi chipa, nikulita ni ndando makasela ha mulambu wa uhie kuli sasendote.

Shimbi 16:16

Katatu ha mwaka, katatu ha mwaka, malunga jenu eswe akasoloke kumeso ja Yehova Zambi yenu kuze iye matongola; ku chiwanyino cha mbolo kuyishi futunwiso, ni ku chiwanyino cha masemana, ni ku chiwanyino cha yisakila. Kanda asoloka mokomoko kumeso ja Yehova.

1 Samuel 5:11

Kashika akungulwile miata eswe a A-Filistea ngwo, Katwisenu mushete wa Zambi ya Izalele ukahiluke nawa kuma kwawo kuchina muutushiha ni atu jetu. Mumu kwapwile mwongo wa kufwa ndusu, limbo lieswe mumu kwoko lia Zambi lialemene chikolo hali ayo.

1 Samuel 5:7

Mba muze atu a mu Ashedode achimwene chocho, ambile ngwo, Kutuchi kutayiza mushete wa Zambi ya Izalele kutwama ni yetu, mumu kwoko lienyi likalu hali yetu ni hali zambi yetu Ndagone.

1 Samuel 5:9

Muze hautwalako, kwoko lia Yehova lialimikine ni limbo nikwapinjisa chikolo. Yalamba malunga a limbo ni anene ni akepe, yapwa ni yivunda.

1 Samuel 6:8

Andenu mushete wa Yehova nukause ha temba, mba upite wa oru, uze nunatumu ha mulambu wa uhie nukause hamuwika mu chikasa chimwe, mba munuyituma yikaye yeswe.

1 Samuel 6:9

Munutala nyi muukandukila ku jila ya njiza yawo ku Mbete-Shemeshe, iye mwene hanatulingi chuma chino chipi chikolo. Ahoze nyi ka, mba mutunyingika ngwetu hi kwoko henyi ko liatulambile; chapwile chuma cha kutuwana chiwanyina.