1 Samuel 6:20 - MUKANDA USANDU WA ZAMBI 1975

²⁰ Mba A-Mbete-Shemeshe ambile ngwo, Iya mahasa kumana kumeso ja Yehova, yono Zambi musandu? Kuli iya makanduka atweche yetu?

Mukanda Wa Zambi 1970

²⁰ Mba malunga a ku Bete Shemeshe yaalihula ngwo: “Iya mahasa kumana kama ku meso ja Mwene Zambi, Zambi munangi? Kulihi mutuutwala hanga atweche kama?”

1 Samuel 6:20 Iomraidhean Croise

2 Samuel 6:7

Mba utenu wa Yehova yiukasumukina hali Uza. Zambi yamulamba mumu ha kusa kwoko lienyi ha mushete. Yafwilako; kwe ku lumbu lia mushete wa Zambi.

2 Samuel 6:9

David yavwila woma Yehova tangwa lize, yamba ngwenyi, Kuchi mushete wa Yehova muuhasa kwiza kuli yami?

Miaso (Masamu) 76:7

Yena, yena mwene chatamba kukuvwila woma. Iya mamana kumeso je nyi hiwatenuka?

Alevi 11:44

Mumu yami Yehova Zambi yenu, kashika munukalihandununa nukalisele ku usandu, se ni yami nguli musandu. Kanda nukalichisa ni kashitu niumwe mukwa kulikoka ha mavu.

Alevi 11:45

Mumu yami Yehova nanuchijile ku chifuchi cha Engitu ngukapwe Zambi yenu. Kashika munukapwa asandu, se ni yami nguli musandu.

Malaki 3:2

Alioze iya mahasa kumana ha tangwa lia kwiza chenyi? Iya mahasa kujikiza ha kusoloka chenyi? Mumu iye kapwa ngwe kahia ka mukwa kupemesa oru; ngwe sabau ya kutomesa.

Luka 5:8

Alioze Semone Petulu muze achimwene, wafulamanyine ku makungunwa ja Yesu, ngwenyi, Mwene, katukenu kuli yami, mumu nguli chivulumunyi.

Luka 8:37

Ni chizavu cheswe cha ku chifuchi cha A-Ngarase amulembele akatuke kuli ayo: mumu evwile woma wunji; iye wanjilile mu ulungu akahiluke.

Usolwelo 6:17

Mumu tangwa linene lia utenu wenyi hilineza, mba iya mahasa kumana?

1 Samuel 5:7

Mba muze atu a mu Ashedode achimwene chocho, ambile ngwo, Kutuchi kutayiza mushete wa Zambi ya Izalele kutwama ni yetu, mumu kwoko lienyi likalu hali yetu ni hali zambi yetu Ndagone.