1 Samuel 6:17 - MUKANDA USANDU WA ZAMBI 1975

¹⁷ Yivunda ya oru ya mulambu wa uhie yize A-Filistea atumine kuli Yehova, yino; ha Ashedode chimuwika, ha Ngeza chimuwika, ha Asekalone chimuwika, ha Ngata chimuwika, ha Ekrone chimuwika.

Mukanda Wa Zambi 1970

¹⁷ Afilistia yaatuma yivunda yize yitano ya oru ngwe mulambu wa yibi yo mumu ha membo wano: Ashdode chimuwika, ni Gaza chimuwika, ni Ashkelone chimuwika, ni Gate chimuwika, ni Ekrone chimuwika.

1 Samuel 6:17 Iomraidhean Croise

2 Samuel 1:20

Kanda nuchambulula mu Ngata, kanda nuchifumanyishina mu matapalo a Asekalone, kuchina mapwo A-Filistea mawahilila, kuchina mapwo ja yilima malikwiza.

2 Samuel 21:22

Wano eswe ni awana asemukine kuli mwe chindululu mu Ngata; eswe afwile ku kwoko lia David ni ku moko ja atu jenyi.

1 MIANANGANA 1:2

Ahazia te haholokela ku njanela ya chipatulo cha kwilu mu Samaria; kanayiji. Mba yatuma mikeji ngwenyi, Yénu nuhule kuli Mbale-Zepupe, Zambi ya Ekrone, nyi munguhinduka nyi ka.

2 Sango Ja Mianangana 26:6

Yatuhuka nikwasa jita ni A-Filistea. Yapuzula chipanga-cha-mawe cha Ngata, ni cha Jabena, ni cha Ashedode. Yatunga yihunda mu chifuchi cha Ashedode ni hakachi ka A-Filistea.

Jeremia 25:20

Ni yilambala waze eswe ali hakachi ko. Ni mianangana eswe a chifuchi cha Uze, ni mianangana eswe a mu chifuchi cha A-Filistea (Asekalone, ni Ngeza, ni Ekrone, ni waze asala ja Ashedode)

Alevi 5:7

Nyi kahashile kuneha mwana-panga akanehe kuli Yehova mulambu wa uhie ha mutonga havulumuna, tutele aali, hanji ana-a-membe aali, umwe akapwe mulambu ha shili, mukwo mulambu wa kulumba.

Amose 1:6

Yehova kanambe ngwenyi, Mumu ha milonga yitatu ya Ngeza hanji yiwana, chichi kahilwisa kastigu, mumu ambachile ku unjize vungu lia muwundu akaakunjike ku Endome.

Amose 6:2

Yénu ku Kalenehe numone; mba chize ku kuze yénu ku Hamate yinene, mba nupalumuke ku Ngata ya A-Filistea. O te ahiana mavungu wano? Hanji chifuchi cho chinene, cha yenu chikehe?

Shimbi 28:27

Yehova makanulamba ni yivunda ya Engitu, ni hute, ni katoma, ni mukule, kechi kahasa kunuwukayo.

Akwa Kuyula 1:18

A-Yunda atambwile Ngeza nawa ni chifuchi chacho, ni Asekalone ni chifuchi chacho, ni Ekrone ni chifuchi chacho.

Akwa Kuyula 14:19

Spiritu ya Yehova yahulumukina hali iye ni tachi. Yapalumuka ku Asekalone; yashiha makumi atatu a malunga a ku chihunda; yapupa upite wo; yahana mazalo kuli waze ajimbwile chijimbikilo. Yaya ku zuwo lia tato ni ufwatulo wunji.

Akwa Kuyula 16:1

Samasone yaya ku Ngeza, yamonako umwe chikoi, yanjila kuli iye.

Akwa Kuyula 16:21

A-Filistea amukwachile, yamutombongona meso jenyi, yamutwala ku Ngeza, yamukasa ni kúli ja unengu, watwile wunga mu utwilo wa zuwo lia ususu.

1 Samuel 5:1

A-Filistea anjile mushete wa Zambi ku Ebenezere yautwala ku Ashedode.

1 Samuel 5:10

Chocho atwalile mushete wa Zambi ku Ekrone. Mba muze mushete wa Zambi muuchiheta ku Ekrone akwa Ekrone akololokele ngwo, Hatunehena mushete wa Zambi ya Izalele, atushihe ni atu jetu.

1 Samuel 5:8

Kashika Ukungulwile miata eswe a A-Filistea kuli ayo ngwo, Chika mutulinga ni mushete wa mwe Zambi ya Izalele? O ngwo, Atwale mushete wa Zambi ya Izalele ku Ngata. Chocho atwalileko mushete wa Zambi ya Izalele.

1 Samuel 6:4

Mba yamba ngwo, Mulambu wa uhie uka mutumutuma? O yakumbulula ngwo, Yivunda ya oru yitano ni tumbi a oru atano nikulita ni kwalula cha miata ja A-Filistea mumu musongo umuwika wapwile hali yenu eswe ni hali miata jenu.