1 Samuel 5:3 - MUKANDA USANDU WA ZAMBI 1975

³ Muze hikwacha akwa Ashedode alimenekene, kumanyi Ndagone hanaholoka ha meso jenyi hashi kulutwe lia mushete wa Yehova. O yanda Ndagone yamumanyisa homa henyi nawa.

Mukanda Wa Zambi 1970

³ Muze hikwacha akwa Ashdode yaalimeneka kuwana Dagone halimbuka meso hashi kulutwe lia mushete wa Usendo. No yaamwanda, yaamumika nawa homa lienyi.

1 Samuel 5:3 Iomraidhean Croise

1 Yitanga Ya Mianangana 18:26

O yatambula kuji yoze yaaha, yamululika, yasanyika ha jina lia Mbale chize ku chimene ndo tangwa ha muchima ngwo, Mbale! Twivwe kama. Alioze kukwapwile liji chipwe kumbululo. Yatumbwoka kweswe kwa kujingilika chilumbilo chize halinga.

Miaso (Masamu) 115:7

Moko akwete alioze keshi kukwatakwata. Molu akwete alioze keshi kwenda. Chipwe kuhanjika keshi kuhanjika mu miliwu yo.

Miaso (Masamu) 97:7

Waze eswe akulingila tuponya twa kwola ni waze eswe akulisamba ni mahamba akevwe sonyi. Muwayilenu, enu mazambi eswe.

Kutuhuka 12:12

Mumu te ha ufuku mungupalika ndusu chifuchi cha Engitu, mungulamba e tupula-majimo eswe mu chifuchi cha Engitu, ni kuli atu, ni kuli tushitu. Mungupatwila tuzambi tweswe twa Engitu. Yami Yehova.

Izaya 19:1

Liji lia kutwala ku Engitu. Talenu, Yehova kanende ha lelwa lia tambu, kaneza ku Engitu. Kashika tuponya twa Engitu kanachikima kumeso jenyi, ni mbunge ja A-Engitu kumujikasangunuka muchima lio.

Izaya 40:20

Chiswale yoze kahashile kuwana mulambu upwa haha matongola mutondo kuuchi kupola; mafupa mukwa utotombo wa mana akamike kaponya umwe keshi kulisunga.

Izaya 41:7

Chilangaji kanatakamisa fuli ya oru, mukwa kusalamisa ni muhato kanatakamisa mukwa kuhata ha shiki. Ha kutwala ku milimo ya kuzuzulula ngwenyi, Yinapeme! Mba mayikolesa ni mbambo hanga yikakole.

Izaya 46:7

Kakumuzundula ha yipaya yo nikumumbata; kakumumika homa henyi, mba hahene makamana, kahashile kukatukako. Chipwe umwe mateta kuli iye kechi kakumbulula, hanji kumulamwina ku lamba lienyi.

Jeremia 10:8

O yelo, kanda yihepuke; longeso lia tuponya ngwami mutondo.

Zefania 2:11

Yehova mapwa kole ni woma ha kulimika no. Ewa, makahongesa mazambi eswe a hashi, mba yifuchi yeswe ya mavungu makahetamina kuli iye, mweswe kuma kwenyi.

Marku 3:11

Ni maspiritu a luchisa, heswaho amumwene, afulamanyine kumeso jenyi, nikukololoka ngwo, Mwana Zambi yena.

1 Samuel 6:1

Mushete wa Yehova wapwile mu chifuchi cha A-Filistea tukweji shimbiali.

1 Samuel 6:5

Kashika munulinga tuponya twa yivunda yenu ni tuponya twa tumbi aze anapihisa chifuchi nukalemese Zambi ya Izalele. Hanji malelumwisa kwoko lienyi hali yenu ni hali mazambi jenu ni ha chifuchi chenu.