1 Samuel 5:11 - MUKANDA USANDU WA ZAMBI 1975

¹¹ Kashika akungulwile miata eswe a A-Filistea ngwo, Katwisenu mushete wa Zambi ya Izalele ukahiluke nawa kuma kwawo kuchina muutushiha ni atu jetu. Mumu kwapwile mwongo wa kufwa ndusu, limbo lieswe mumu kwoko lia Zambi lialemene chikolo hali ayo.

Mukanda Wa Zambi 1970

¹¹ Kashika yaatambika nawa mianangana eswe ja Afilistia, yaamba ngwo: “Hilwisenu mushete wa Usendo wa Zambi ya Aisraele ku mahiawo. Nyi ka, kumuutushiha hamwe ni akwa majiko jetu.” Akwa limbo eswe yeevwa mwongo unji, mumu Zambi yaamwesa lamba kuhiana.

1 Samuel 5:11 Iomraidhean Croise

Kutuhuka 10:7

Ngamba ja Falau ambile kuli iye ngwo, Ndo mwiji muka yono lunga mapwa kambwila kuli yetu? Echa malunga aye, akalingile Yehova Zambi yo. Kanda uchinyingika nyi? Ngwetu, Chifuchi cha Engitu kuchafwa.

1 Samuel 5:10

Chocho atwalile mushete wa Zambi ku Ekrone. Mba muze mushete wa Zambi muuchiheta ku Ekrone akwa Ekrone akololokele ngwo, Hatunehena mushete wa Zambi ya Izalele, atushihe ni atu jetu.

1 Samuel 5:6

Alioze kwoko lia Yehova lialemene hali akwa Ashedode. Yaonwona, yaalamba ni yivunda, ni Ashedode ni njiza jako jeswe.

1 Samuel 6:5

Kashika munulinga tuponya twa yivunda yenu ni tuponya twa tumbi aze anapihisa chifuchi nukalemese Zambi ya Izalele. Hanji malelumwisa kwoko lienyi hali yenu ni hali mazambi jenu ni ha chifuchi chenu.