1 Samuel 5:10 - MUKANDA USANDU WA ZAMBI 1975

¹⁰ Chocho atwalile mushete wa Zambi ku Ekrone. Mba muze mushete wa Zambi muuchiheta ku Ekrone akwa Ekrone akololokele ngwo, Hatunehena mushete wa Zambi ya Izalele, atushihe ni atu jetu.

Mukanda Wa Zambi 1970

¹⁰ Mba yaanda nawa mushete wa Usendo, yaautwala ku Ekrone, limbo likwo lia Afilistia. Alioze shimbu mushete wa Usendo muuchiheta ko, akwa Ekrone yaakololoka ngwo: “Haatunehena mushete wa Usendo wa Zambi ya Aisraele, atushihe yetu eswe!”

1 Samuel 5:10 Iomraidhean Croise

2 Samuel 7:9

Nendele hamwe ni yena kweswe wayile. Hinasutula akwa kole je eswe kumeso je, mba mungukwaha jina lilemu ngwe majina ja e alemu a hashi.

1 MIANANGANA 1:2

Ahazia te haholokela ku njanela ya chipatulo cha kwilu mu Samaria; kanayiji. Mba yatuma mikeji ngwenyi, Yénu nuhule kuli Mbale-Zepupe, Zambi ya Ekrone, nyi munguhinduka nyi ka.

1 Sango Ja Mianangana 7:21

ni mwanenyi Zabade, ni mwanenyi Sutela, ni Ezere, ni Eleade waze A-Ngata enya chifuchi ashihile mumu ayile kwachiza yimuna jo.

Amose 1:8

Mungutetaho waze atwama mu Ashedode; munguteta ku Asekalone mwe mukwa lukanda. Mungutalikisa kwoko liami kulimika ni Ekrone ni masalila ja A-Filistea kumakanonga. Chocho kanambe Mwene Yehova.

Amose 6:2

Yénu ku Kalenehe numone; mba chize ku kuze yénu ku Hamate yinene, mba nupalumuke ku Ngata ya A-Filistea. O te ahiana mavungu wano? Hanji chifuchi cho chinene, cha yenu chikehe?

Yoshua 13:3

(Chize ku Shihore ku Chivumbuko cha Engitu ndo ku njiza ya Ekrone ku Norte cheswe, ngwo, cha A-Kanana. Mianangana atano a A-Filistea aliko; au wa Ngeza, au wa Ashedode, au wa Asekalone, au wa Ngate, au wa Ekrone) ni cha A-Avimi.

Yoshua 15:11

Mba njiza yatuhukila ku ukandukilo wa mulundu ku Norte ya Ekrone, yalihengela ku Shikerone, yalisesa ni mulundu wa Mbaala, yatuhukila ku Njabanele, chocho njiza yasulila ku kalunga-lwiji.

Yoshua 15:45

Ni Ekrone hamwe ni membo jako ni tuyihunda twako.

Akwa Kuyula 1:18

A-Yunda atambwile Ngeza nawa ni chifuchi chacho, ni Asekalone ni chifuchi chacho, ni Ekrone ni chifuchi chacho.

1 Samuel 17:52

Malunga A-Izalele ni A-Yunda yakatuka ni kukalumioka, yahanga A-Filistea ndo kuheta ku Ngata, ndo ku yikolo ya Ekrone. Akwa kulemana ja A-Filistea yalimbukila mu jila ya Sharaime ni ndo ku Ngata ni ku Ekrone.

1 Samuel 5:11

Kashika akungulwile miata eswe a A-Filistea ngwo, Katwisenu mushete wa Zambi ya Izalele ukahiluke nawa kuma kwawo kuchina muutushiha ni atu jetu. Mumu kwapwile mwongo wa kufwa ndusu, limbo lieswe mumu kwoko lia Zambi lialemene chikolo hali ayo.

1 Samuel 5:9

Muze hautwalako, kwoko lia Yehova lialimikine ni limbo nikwapinjisa chikolo. Yalamba malunga a limbo ni anene ni akepe, yapwa ni yivunda.

1 Samuel 6:1

Mushete wa Yehova wapwile mu chifuchi cha A-Filistea tukweji shimbiali.