1 Samuel 4:3 - MUKANDA USANDU WA ZAMBI 1975

³ Muze atu ahetele ku chilombo makulwana ja A-Izalele ambile ngwo, Kuchi te Yehova hatulamba musono kumeso ja A-Filistea? Tusakenu mushete wa usendo wa Yehova ku Shilo, mba muze muuheta hakachi ketu muutulamwina kuli akwa kole jetu.

Mukanda Wa Zambi 1970

³ Muze tujita waze asalile ho haaheta ku musumba, miata ja Aisraele yaalihula ngwo: “Kuchi mba Mwene Zambi hatayiza Afilistia musono kutushiha chichize? Tusakenu mushete wa Usendo wa Mwene Zambi ku limbo lia Shilo. Mba muze muuheta hakachi ketu muutulamwina kuli akwa kole jetu.”

1 Samuel 4:3 Iomraidhean Croise

2 Samuel 15:25

Mba mwanangana yamba kuli Zadoke ngwenyi, Hilwisa mushete wa Zambi mwimbo. Nyi munguwana vumbi kumeso ja Yehova manguhilwisako nikungulwezawo nawa ni zuwo lienyi.

1 Sango Ja Mianangana 17:1

Muze David hatwama mu zuwo lienyi, David yamba kuli profeta Natane ngwenyi, Tala yami natwama mu zuwo lia sedru alioze mushete wa usendo wa Yehova watwama mu mbalaka.

Miaso (Masamu) 74:1

Zambi, kuchi te watumbila ku miaka ya mutolo? Kuchi te utenu we unafwinji hali mapanga a kelo je?

Miaso (Masamu) 74:11

Kuchi te wakuhilwisa kwoko lie, kwoko lie lia chindume? Lichize mu tulo ye ukaalalise.

Izaya 50:1

Yehova kanambe ngwenyi, Mukanda wa noko, wa kumulakula ulihiwo, uze namulakwile nawo? Nanuhanyine tombo kuli iya hakachi ka akwa mikuli yami? Nwalanjiwile mumu ha uhenge wenu; ha Utanguko wenu ahumine noko.

Izaya 58:3

Kuchi te twakulitwamina kulia, alioze yena kwachimwene? Kuchi te twakulilelesa, alioze yena kwachisele mbunge? Mumu ha tangwa lia kulitwamina kulia nunafupu kuliwahisa yenwene, hindu nwakupinjisa ngamba jenu.

Izaya 59:1

Nyingikenu, kwoko lia Yehova kuliahihile ngwe kulichi kuhasa kulamwina, hanji matwi jenyi hajika, kahashile kwivwa,

Izaya 59:2

alioze uhenge wenu hiwahandununa hakachi ka yenu ni Zambi yenu, milonga yenu hiyanufukila meso jenyi kanupanjikile.

Jeremia 3:16

Yehova kanambe ngwenyi, Mba muze munusema ni kuliokesa mu chifuchi, ha matangwa aze kechi kamba nawa ngwo, Mushete wa usendo wa Yehova! Kechi kaunyonga, hanji kuwiwuluka, hanji kuufupa. Kechi kaulinga nawa.

Jeremia 7:4

Kanda nufuliela maliji wano a kwonga ngwo, Yino yinapu tembele ya Yehova, tembele ya Yehova, tembele ya Yehova.

Kwalula 10:33

O yakatuka ku mulundu wa Yehova, yaya wenyi wa matangwa atatu. Mushete wa usendo wa Yehova waatetekelele ha wenyi wa matangwa atatu, mukwafupila haze mahwimina.

Kwalula 10:35

Muze we mushete wakatukile Mose wambile ngwenyi, Yehova, ukatuke. Akwa kole je amwangane. Akwa kukuvwila kole achine kumeso je.

Kwalula 31:6

Mose yaatuma ku jita, ku munyachi weswe kanunu, no ni Finehase mwana wa sasendote Eleazare ku jita, hamwe ni yikashi ya muma musandu ni yitavwi ya kutoweza nayo mu kwoko lienyi.

Shimbi 29:24

Te mavungu eswe makamba ngwo, Kuchi te Yehova hanalingi chocho ku chifuchi chino? Kuchi chinalumbunuka chivukuminya cha utenu wenyi unene?

Shimbi 31:26

Twalenu mukanda uno wa shimbi, nuuse ku lumbu lia mushete wa usendo wa Yehova Zambi yenu, hanga ukapweko chela wa kunukumisa.

2 Timoteu 3:5

Kusoloka cha uwayilo kali nacho, alioze kakulikata tachi jawo: kuli wano nawa kondoloka.

Hebreu 9:4

uli ni chilumbilo cha oru, cha insensu, ni mushete wa usendo wa kufuka ni oru ha malumbu eswe; muze mwapwile ndeho ya oru, yize yapwile ni maná, ni mulumbu wa Arone, uze watemwine, ni mawe ja usendo.

Yoshua 4:7

Mba munwaambulwila ngwenu, Meya a Yordau apatukile kumeso ja mushete wa usendo wa Yehova. Muze mushete wazaukile Yordau mba meya a Yordau apatukile. Chocho mawe ano mapwa Chiwulwiso cha mutolo kuli A-Izalele.

Yoshua 6:6

Chocho Yoshua mwana wa Nune yasanyika asasendote, yamba kuli ayo ngwenyi, Zundulenu mushete wa usendo, mba asasendote shimbiali akambate yitavwi shimbiali ya mbinga ja kuji a mapanga kumeso ja mushete wa Yehova.

Yoshua 7:7

Yoshua yamba ngwenyi, Lwangu! Mwene Yehova. Kuchi te unakazawisa wano atu Yordau? Ukatuhane ku moko ja A-Amore akatwonwone nyi? Kachi tunakahwima mbunge nikutwama mu sali lia Yordau!

Yoshua 7:8

Mwene! Kuchi mungwamba muze A-Izalele hachina kumeso ja akwa kole jo?

1 Petulu 3:21

Chenacho nawa ni Chizulie cha kulita haliapwila chinanulamwina, te upapachiso, hi kusano ko majilo a musunya akatuke, aiioze kutá cha mbunge yipema kuli Zambi, ku Uhindukilo wa Yesu Kristu;

Yuda 1:5

Achi, ngunazange kunwiwulula, chipwe nunanyingika yuma yeswe kamuwika kunahu, Mwene se walamwinyine amwe atu ku Engitu, kulutwe lia chize wonwene waze kafulielele.

1 Samuel 1:24

Mba muze hamusumuna wamutwalile, ni kuji a ngombe atatu, ni* efa yimuwika ya wunga, ni tuku yimuwika ya vinyu. Yamutwala ku zuwo lia Yehova ku Shilo, achili te mwana.

1 Samuel 14:18

Saulu yamba kuli Ahija ngwenyi, Neha mushete wa Zambi. Mumu mushete wa Zambi ha matangwa aze wapwile hamwe ni A-Izalele.

1 Samuel 4:2

A-Filistea o yalilongela ngango ja kwasa jita ni A-Izalele, mba muze ashile, A-Filistea akumbile A-Izalele. Ashihile tununu awana a tujita aze apwileko.