1 Samuel 4:18 - MUKANDA USANDU WA ZAMBI 1975

¹⁸ Mba muze havuluka mushete wa Zambi Eli yalimbuka ha chitwamo chenyi kunyima ku kulwa chajilo. Yamakuka kota. Yafwa mumu te mukulwana chikolo; kanaleme. Te hanayulu A-Izalele makumi awana a miaka.

Mukanda Wa Zambi 1970

¹⁸ Eli muze hevwa kuvuluka mushete wa Usendo, hohene yalimbuka ni chitwamo unyimenyime hehi ni chikolo. Te habwa kashinakaji, halemenena. Kashika yamakuka kota, yafwa kwenyi. Eli te hayula Aisraele miaka makumi awana.

1 Samuel 4:18 Iomraidhean Croise

Miaso (Masamu) 26:8

Yehova kunazanga zuwo lie kutwamamo, kuze kwatwama ulemu we.

Miaso (Masamu) 42:10

Ngwe katana mu yifwaha yami akwa kulimika kakunguchoka shimbu mambamba kuli yami ngwo, Zambi ye kulihi ali?

Miaso (Masamu) 42:3

Masoji jami hanalumuka kulia chami mwalwa ni ufuku, shimbu mambamba kuli yami ngwo, Zambi ye kulihi ali?

Miaso (Masamu) 69:9

Mumu kulinga ni mbunge yeswe ha zuwo lie chinanguli; kuchoka cha waze akuchokele yena hichangupwila yami.

Alevi 10:3

Henaho Mose yamba kuli Arone ngwenyi, Chino che chuma Yehova hamba ngwenyi, Mungupwa wajila kuli waze eswe makakundama kuli yami. Kumeso ja e atu eswe mungukalema. Arone yaliholela lume.

Akwa Kuyula 15:20

Samasone wayulile A-Izalele makumi aali a miaka ha matangwa a A-Filistea.

1 Samuel 4:13

Ha kuheta yawana Eli kanatwama ha chitwamo ku kulwa jila nikutala mumu mbunge yenyi te yinachikimina mushete wa Zambi. Muze mwe lunga haheta ku limbo, yatwa lusango, akwa limbo eswe yalila.

1 Samuel 4:17

Mukeji yakumbulula ngwenyi, A-Izalele hachina kumeso ja A-Filistea; hikwapwa kushiha chinene hakachi ka atu; ni ana je aali nawa Hofni ni Finehase hafwa; ni mushete wa Zambi hautambula.

1 Samuel 4:19

Tembwa-mwanenyi, pwo lia Finehase kali ni ufumba hakamwihi te ni kusema. Ha kwivwa lusango wa kutambula mushete wa Zambi, chikwo nawa tato-weno ni mukwolunga hafwa, yalihetamina, yasema mwana, mumu misongo yamukwata.