1 Samuel 4:12 - MUKANDA USANDU WA ZAMBI 1975

¹² Umwe kajita, lunga wa ku Mbenjamine, wazombokele, yeza ku Shilo tangwa lioliene ni mazalo jenyi a kusonya, ni mavu ha mutwe.

Mukanda Wa Zambi 1970

¹² Umwe kajita wa ku vungu lia Benjamine yakatuka ku jita, yazomboka minanga mu jila yeswe ndoo ku limbo lia Shilo tangwa lioliene, mahina jenyi akutanuna ni mavu ha mutwe.

1 Samuel 4:12 Iomraidhean Croise

2 Samuel 1:2

Ha tangwa liamuchitatu umwe lunga yakatuka ku chilombo cha Saulu, kali ni mazalo jenyi a kusonya ni mavu ha mutwe wenyi. Ha kuheta kuli David yafulamana hashi nikumuwayila.

2 Samuel 13:19

Tama yasa uto ha mutwe wenyi, yasonya uzalo wenyi wa ulombo weka ni weka uze azalile, yalikwata suswa mutwe, yaya kwenyi nikulila mbimbi.

2 Samuel 15:32

Chapwile muze te David haheta helu lia mulundu kuze akuwayila Zambi, kumanyi Hushai Ka-Arke yamupatwiza ni chikuto chenyi cha kusonya, ni mavu ha mutwe wenyi.

Nehemia 9:1

Ha tangwa makumi aali ni liamuchiwana lia kakweji yono A-Izalele yakunguluka nikulitwamina kulia, ni chikeleyi, ni kulikwita mavu.

Jobe 2:12

Shimbu achili kusuku yatala, kuma kamunyingikine, mba yalila mbimbi; eswe yasonya mazalo jo nikukuwa fufuta ha mitwe yo kwilu.

Jeremia 26:6

nyi chocho, mungupwisa zuwo lino ngwe Shilo, mungupwisa chihunda chino shingo lia mavungu eswe a hashi.

Ezekiel 24:26

Ha tangwa lize umwe mukwa kuchina makeza kuli yena ni kukutwila lusango wacho.

Ezekiel 27:30

nikulila mbimbi mumu hali yena ni muteto usasu. Kanakuwu fufuta ha mitwe yo ni kulilangumuna mu uto.

Yoshua 7:6

Mba Yoshua yasonya mazalo jenyi, yafulamana hashi kumeso ja mushete wa Yehova ndo chingoloshi, ni iye ni makulwana a Izalele. Yasa nawa mavu ha mitwe yo.