1 Samuel 4:10 - MUKANDA USANDU WA ZAMBI 1975

¹⁰ Chocho A-Filistea ashile jita, yakumba A-Izalele. A-Izalele yachinyina mutu ku mbalaka yenyi mutu ku mbalaka yenyi. Kwapwile kushiha chinene, mumu kwafwile a kuli A-Izalele makumi atatu a tununu a maswalale a kwenda hashi.

Mukanda Wa Zambi 1970

¹⁰ Mba Afilistia yaasa jita chikolo, yaakumba Aisraele. No yaachina mutu ni mutu ku zuwo lienyi. Kwabwile kushiha chinene! Kuli Aisraele yikufwa tujita waze te akwenda hashi 30,000.

1 Samuel 4:10 Iomraidhean Croise

2 Samuel 18:17

O yanda Absalome, yamumbila mu wina umwe unene mu usaki, yamulumbika mulumba unene chikolo wa mawe, mba A-Izalele eswe yachinyina mutu ku zuwo lienyi, mutu ku zuwo lienyi.

2 Samuel 18:7

Atu a David yakumbako A-Izalele. Yashihako anji tangwa lize; makumi aali a tununu a malunga.

2 Samuel 19:8

Kashika mwanangana yakatuka yatwama mu chikolo cha chihunda. Chafumana kuli atu eswe ngwo, Mwanangana kanatwama mu chikolo, mba atu eswe aswilile kumeso ja mwanangana. A-Izalele o te hanachinyina mutu mweswe ku zuwo lienyi.

2 Samuel 20:1

Kwapwileko umwe lunga wamokomoko, jina lienyi Shipa, mwana Mbi kiri Ka-Mbenjamine. Iye yahumuna chitavwi ngwenyi, Etu kutushi chihanda muli David, chipwe chihinga kutushi nacho muli mwana Yese. Kashika enu malunga a Izalele yénu ku mazuwo jenu.

1 Yitanga Ya Mianangana 12:16

Muze A-Izalele eswe amwene ngwo, Mwanangana kapanjikile o yakumbulula mwanangana ngwo, Te chihanda tuli nacho muli David nyi? Kutushi chihinga muli mwe mwana Yese. A-Izalele yénu ku mazuwo jenu, ni yena David hitala ku yuma ya zuwo lia yena mwene. Kashika A-Izalele ayile ku mazuwo jo.

1 Yitanga Ya Mianangana 22:36

Kashika ngwe ha kunjila cha tangwa kwapwile mutambi hakachi ka mbunga ya tujita ngwo, Mutu mweswe aye ku chihunda chenyi; mutu mweswe aye ku chifuchi chenyi.

1 MIANANGANA 14:12

Izalele yakumba A-Yunda, mba A-Yunda yachinyina mutu mweswe ku mbalaka yenyi.

2 Sango Ja Mianangana 13:17

Abija ni atu jenyi yaashiha, anji chikolo. Chocho kwafwile kuli A-Izalele kulakaji atano a tununu a malunga a kusakula.

2 Sango Ja Mianangana 25:22

A-Yunda yaakumba kuli A-Izalele, mba o yachinyina mutu mweswe ku zuwo lienyi.

Miaso (Masamu) 78:9

Ana ja Eframe chipwe ni yitwa yo ni mata jo, hindu ahilukile kunyima mu tangwa lia jita.

Jeremia 7:12

Yénu haliapwila ku zuwo liami liapwile mu Shilo, kuze natwamishine jina liami hatangu, nuchitale chize nalingileko mumu ha ungulungulu wa atu jami A-Izalele.

Alevi 26:17

Mungulimika ni yenu, mba manukumba kuli akwa kole jenu. Waze akunuvwila kole manuyula; munuchina chipwe niumwe kanuhangile.

Shimbi 28:15

Nyi kunuchi kapanjika ku liji lia Yehova Zambi yenu, ni kukanyama kulinga shimbi jenyi jeswe, ni yiyulo yenyi ngunanwambeyo musono, mba mashingo ano eswe makapwa hali yenu, makanuwana.

Shimbi 28:25

Yehova makanulambisa kuli akwa kole jenu, munukatuhukila jila yimuwika kulimika no, alioze kumunukachina kumeso jo ku majila shimbiali, kumunukamwangana hakachi ka mawanangana eswe a hashi.

1 Samuel 3:11

Yehova yamba kuli Samuel ngwenyi, Tala mungulinga chimwe chuma mu Izalele mba mutu mweswe machivwa matwi jenyi eswe aali mevwa chimbangwinya.

1 Samuel 4:2

A-Filistea o yalilongela ngango ja kwasa jita ni A-Izalele, mba muze ashile, A-Filistea akumbile A-Izalele. Ashihile tununu awana a tujita aze apwileko.