1 Samuel 31:7 - MUKANDA USANDU WA ZAMBI 1975

⁷ Malunga A-Izalele atwamine mu sali lia chikulo ni waze a mu sali lia Yordau muze hamona malunga A-Izalele hachina, ni Saulu ni anenyi hanafu, o yahichika yihunda yo, yachina. Mba A-Filistea yeza, yatwamamo.

Mukanda Wa Zambi 1970

⁷ Muze Aisraele, waze te atwama musali lia chikulo cha Jezrele ku chivumbuko cha lwiji Yordau, heevwa ngwo, tujita twa Aisraele haachina, nawa ngwo, mwanangana Saulu ni ana jenyi haafwa, yaahichika membo jo, yaachina. Mba Afilistia yeeza, yaatwama mo.

1 Samuel 31:7 Iomraidhean Croise

Alevi 26:32

Mungwenyeka chifuchi, chocho chipwe akwa kole jenu aze meza kutwamamo malishimwoka.

Alevi 26:36

Ha kutwala kuli waze akwenu masala mungutuma kulezumuka mu mbunge jo mu yifuchi ya akwa kole jo. Kuholoka cha lifwo muchiachinyisa, ngwe mutu wakuchina katana chocho machina, mba malimbuka chipwe kaahangile niumwe.

Shimbi 28:33

Mbuto ya ha mavu jenu ni kuhondangana chenu cheswe kumakayilia kuli akwa vungu enu kunwaanyingikine, makanumwesa lamba wika, nikunushata chipi matangwa eswe.

Akwa Kuyula 6:2

A-Mindiane akumbile A Izalele mba A-Izalele alilingilile mena a kuswamina mu milundu, hi yivwenge, ni mbonge, mumu ha tachi ja A-Mindiane.

1 Samuel 13:6

Muze malunga A-Izalele amwene ngwo, Twasakaminya (mumu atu alifwichile) mba aswamine mu yivwenge, ni mu usaki, ni mu yimawe, ni mu pembo, ni mu mena.

1 Samuel 13:7

Amwe A-Izalele te hazauka Yordau ku chifuchi cha Ngate ni Ngiliate, alioze Saulu iye hindu kanatwama ku Ngilingali mba atu eswe amukawile nikuchikima.

1 Samuel 31:6

Chocho Saulu yafwa ni anenyi atatu a malunga ni mukwa kumumbachila yitwa ni malunga jenyi eswe ha tangwa limuwika eswe hamuwika.

1 Samuel 31:8

Mukwacha, A-Filistea yeza kuzula afu, yawana Saulu ni anenyi atatu hanafu ha mulundu wa Ngilboa.