1 Samuel 31:1 - MUKANDA USANDU WA ZAMBI 1975

¹ A-Filistea ashile jita ni A-Izalele ni malunga a Izalele achinyine kumeso ja A-Filistea yafwa ha mulundu wa Ngilboa.

Mukanda Wa Zambi 1970

¹ Afilistia yasa jita ni Aisraele ha mulundu wa Gilboa. Tujita twa Aisraele anji afwile; akwo eswe yaachina, ni mwanangana Saulu ni e ana jenyi a malunga nawa.

1 Samuel 31:1 Iomraidhean Croise

2 Samuel 1:21

Enu, milundu ya Ngilboa, chipwe mume chipwe vula kanda yikapwila hali yenu, chipwe minda ya milambu, ka. Mumu kwenako lukepwe wa akwa ndundo wapihile, lukepwe wa Saulu, ngwe kamuwayishile ni maji.

2 Samuel 1:6

Mba mukweze yoze wamunehenene liji yamba ngwenyi, Napalikanga chipalikila lume ha mulundu wa Ngilboa, kumanyi Saulu yeu, kanajikijila ha kunga lienyi, ni matemba-a-jita ni akwa tuvwalu kanamuhete.

2 Samuel 4:4

Jonatas mwana Saulu wapwile ni mwana wa lunga, chitonji ku molu jenyi. Muze lusango wa Saulu ni Jonatas ku Yezerele wejile, iye te kali ni miaka yitano, mba ndeji yenyi yamwanda, yachina. Ha kuchina kapupushi yamuholola, iye yalumuka chitonji. Jina lienyi Mefiposhete.

1 Samuel 12:25

Alioze nyi hindu munulinga ungulungulu kumunukakuwa, ni yenu ni mwanangana wenu.

1 Samuel 28:1

Ha matangwa aze A-Filistea yakungulula tujita two akase jita ni A-Izalele. Akishe yamba kuli David ngwenyi, Chikulumbunuke, yena ni malunga je kumunuya ni yami ku jita.

1 Samuel 28:15

Samuel yamba kuli Saulu ngwenyi, Kuchi te hiwangusakalisa nikunguvumbula? Saulu ngwenyi, Ngunapinji chikolo A-Filistea kanase jita ni yami. Zambi hanangumbu nyima; kangukumbulwile nawa, chipwe kuli aprofeta chipwe Ku yilota, kashika hinakusanyika ungulweze chize changutamba kulinga.

1 Samuel 28:19

Chikwo nawa Yehova makunjika Izalele ni yena nawa hamuwika kuli A-Filistea. Hamene yena ni ana je mapwa hamwe ni yami, ni Yehova makunjika tujita twa Izalele nawa kuli A-Filistea.

1 Samuel 28:4

A-Filistea yakunguluka, yeza, yasa chilombo cho ku Shuneme. Saulu iye yakungulula A-Izalele eswe o yasa chilombo cho ku Ngilboa.

1 Samuel 29:1

A-Filistea yakungulula tujita two eswe ku Afeke. A-Izalele o yasa chilombo cho ku fuji lia meya lili ku Yezerele.