1 Samuel 30:6 - MUKANDA USANDU WA ZAMBI 1975

⁶ David walifwichile chikolo mu mbunge mumu e atu ambile kumwasa mawe, se atu eswe evwile kupiha mu mbunge mumu hali ana jo a malunga ni a mapwo. Alioze David walitakamishine muli Yehova Zambi yenyi.

Mukanda Wa Zambi 1970

⁶ David yalibikala kuhiana mumu tujita twenyi yaabwa ni ufwatulo kuhiana ha kutoka cha ana jo eswe. Yaamba kushiha David ni mawe, alioze Mwene Zambi, Zambi yenyi, yamutakamisa.

1 Samuel 30:6 Iomraidhean Croise

Ubutukilo 32:7

Mba Yakomba yevwa woma wunji, yalipikala chinji. Yahandununa atu endele no, ni yimuna, ni ngombe, ni tumelu, apwe yendo yiali.

2 Samuel 17:8

Hushai yaweza ngwenyi, Nunanyingika tatenu ni malunga jenyi, eswe malunga a ndundo. Chikwo nawa wuli ali nawo ngwe ursu wa mu yambu yoze hamwiya ana jenyi. Ni tatenu iye kajita mukulu, kechi kupomba hamuwika ni e atu.

1 MIANANGANA 4:27

Ha kuheta kuli mutu wa Zambi ku mulundu, yamukwata ku molu. Mba Ngehaze yakundama amukatwiseko. Alioze mutu wa Zambi yamba ngwenyi, Mweche! mumu kupiha anevu mu mbunge, mba Yehova hanguswekelacho, kangulwezele.

Jobe 13:15

Mangushiha, kutalatala chishi nacho; hindu mungulisambisa ni majila jami kumeso jenyi.

Miaso (Masamu) 116:10

Kafulielele, kashika hingunahanjika; te nayindamine chikolo.

Miaso (Masamu) 138:3

Tangwa nasanyikine kuli yena wangukumbulwile. Wangutakamishine ni tachi mu mbunge yami.

Miaso (Masamu) 18:2

Yehova iye liwe liami, ni mbonge yami, ni mukwa kungupulula; Zambi yami ni liwe liami lia tachi, muli iye munguswama. Iye lukepwe wami, ni mbinga ya ulamwino wami, ni kaposhi kami musuku.

Miaso (Masamu) 18:6

Mu luyinda wami natambikile Yehova, natetele kuli Zambi yami. Mu tembele yenyi wevwile liji liami; muteto wami wahetele kuli iye, mwe mu matwi jenyi.

Miaso (Masamu) 25:17

Lamba lia mbunge yami hilioka; ungupulule kama ku luyinda wami.

Miaso (Masamu) 27:14

Twaminyina Yehova! Takama, mbunge ye yikajikize. Ewa, twaminyina Yehova. Samu lia David.

Miaso (Masamu) 31:24

Takamenu, mbunge jenu jihamuke, enu eswe nwakutatatata kuli Yehova.

Miaso (Masamu) 42:11

Mbunge yami, yika unahongela? Kuchi te unapinji muli yami? Talatala kuli Zambi, mumu mungwiza kumuhalisa, iye chikwashi cha ku meso jami kanda Zambi yami.

Miaso (Masamu) 42:5

Mbunge yami, yika unahongela? Kuchi te unapinji muli yami? Talatala kuli Zambi, mumu mungwiza kumuhalisa ha kungukwasa kumeso jenyi.

Miaso (Masamu) 42:7

Jondo yakutambika ku jondo ha lundunjila wa yipupa ye. Mikanya ye yeswe ni kufuza che cheswe hichapalika hali yami.

Miaso (Masamu) 56:11

Muli Zambi hingunase Ufulielo wami, chichi kevwa woma. Atu yika mahasa kungulinga?

Miaso (Masamu) 62:1

Mbunge yami yinahwimi kanawa muli Zambi wika. Kuli iye kunakatuka ulamwino wami.

Miaso (Masamu) 62:5

Mbunge yami hwima muli Zambi wika, mumu kutalatala chami chili kuli iye wika.

Miaso (Masamu) 71:4

Zambi yami, ngupulule kama ku kwoko lia chingulungulu; ku kwoko lia chihenge kanda chiswi.

Miaso (Masamu) 71:5

Mumu yena Yehova Mwene uli kutalatala chami. Nakujikijila kuli yena chize ku wanuke wami.

Kutuhuka 17:4

Mose watetele kuli Yehova ngwenyi, Ngulinge kuchi ni wano atu? Anambe kungwasa mawe.

Yishima 18:10

Jina lia Yehova liapwa kaposhi mukolo; mukwa ululi machinyinamo mba mamufungila mwilu.

Izaya 25:4

Mumu uli chiswamo cha tachi kuli chiswale, chiswamo cha tachi kuli mukwa kuhona mu lamba lienyi, uli chiswamo ku kangonga ni chihuhumuke ha mwalwa; mumu tachi ja yiswi japwa ngwe kangonga ka kulamba ha yishimi,

Jeremia 16:19

Yehova, yena tachi jami ni mbonge yami, chiswamo chami ha tangwa lia lamba, kuli yena mavungu makungulukila, chize ku masongo a hashi nikwamba ngwo, Tulamba twetu kahingile nichimwe shina mahuza wika, yuma yamokomoko kuyafumbwile nichimwe.

Yona 2:2

Mumu ha luyinda wami natambikile kuli Yehova, mba iye wangukumbulwile. Mwe mu jimo lia Shiole natetele, mba wevwile liji liami.

Kwalula 14:10

Alioze chikungulwila cheswe yamba ngwo, Twasenu mawe. Ulemu wa Yehova yiusoloka mu mbalaka ya chikungulwila kuli A-Izalele eswe.

Mateu 21:9

Mbunga jize angutetekelele ni jize akawile, akololokele ngwo, Vulie! Mwana David! Kufumana yoze meza mu jina lia Mwene; Vulie! mwilu mwahiana!

Mateu 27:22

Pilatu yamba kuli ayo ngwenyi, Kuchi kevwe mungulinga ni Yesu yoze jina lienyi ngwo, Kristu? O eswe yamba ngwo, Amuhachile ha kulusu.

Yoano 8:59

Anjile kashika mawe hanga amwase; alioze Yesu waswamine, watuhukile mu tembele nikupalika ndusu mukachi ko wayile kwenyi, chocho wahianyine.

A-ROMA 4:18

Apalahama, mu kutalatala, wafulielele ku chize kechi kuhasa kuchitalatala, hanga akapwe tato ya mavungu anji, nikulita ni chize ambile ngwo, Chocho munyachi we kumuukapwa.

A-ROMA 4:20

hindu, se watalile ku chilakenyo cha Zambi, kayambashanyine akahone Ufulielo, alioze walikolezele ku Ufulielo nikuchichimieka Zambi.

A-ROMA 8:31

Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu?

2 Korintu 1:6

Alioze chipwe mutupwa mu luyinda, muchipwa ha kulembejeka chenu ni ulamwino wenu; chipwe matulembejeka, muchipwa ha kunulembejeka, chenacho kuchakulinga utunu mu lamba limuwika ni lize yetu nawa twakwivwa.

2 Korintu 4:8

Kakutushinda chikolo ku malumbu eswe, hindu kutushi kushinana; twakukakashana, hindu kutushi kwecha kutalatala;

2 Korintu 7:5

Mumu chipwe muze twahetele ku Masendoniya, musunya wetu kuwahwimine, alioze twayindamine ku sali ni sali; haze kulitachika, muchima woma.

Hebreu 13:6

Chocho ni kuhamuka tunambe ngwetu, Mwene iye chikwashi chami; chichi kevwa woma. Atu yika mangulinga?

Akwa Kuyula 18:25

A-Ndane yamba ngwo, Liji lie kutwazangile kulivwa hakachi ketu, kuchina amwe yitenu makukwata mba kumuofwa hamwe ni akwa zuwo lie.

Akwa Kuyula 20:22

Alioze malunga a Izalele yahamuka, yasa mikana ya jita hazehene ayisele tangwa litangu.

1 Samuel 1:10

Mwe pwo te kanalifwichi nikulemba kuli Yehova nikulila chikolo.

1 Samuel 23:16

Jonatas mwana Saulu yakatuka yaya kuli David mu usaki nikumutakamisa muli Zambi.

1 Samuel 28:15

Samuel yamba kuli Saulu ngwenyi, Kuchi te hiwangusakalisa nikunguvumbula? Saulu ngwenyi, Ngunapinji chikolo A-Filistea kanase jita ni yami. Zambi hanangumbu nyima; kangukumbulwile nawa, chipwe kuli aprofeta chipwe Ku yilota, kashika hinakusanyika ungulweze chize changutamba kulinga.