1 Samuel 30:21 - MUKANDA USANDU WA ZAMBI 1975

²¹ Aho David yeza kuli kulakaji aali a malunga aze kahashile kumukaula mumu jaahwile, yasala ku chitwetwe cha Bezore. O yatuhuka kumupatwiza nikupatwiza waze eswe endele hamuwika nenyi. Muze David yakundama kuli e atu yaameneka.

Mukanda Wa Zambi 1970

²¹ Mba David yaheta kuli tujita 200 waze kaahashile ko kumukaula mumu te haahonga kuhiana, waze asalile ku lwiji Besore. No yaatuhuka ni kubatwiza eswe waze endele ni David. Muze David haakundama yaameneka.

1 Samuel 30:21 Iomraidhean Croise

Hebreu 13:1

Kufwila cha mandumbu chikalinduluke.

1 Petulu 3:8

Ha kusula, pwenu eswe ni kunyonga chimuwika, nikulivwila vumbi umwe ni mukwo ni mukwo, akwa kulizanga ngwe mandumbu, akwa mbunge ja vumbi, akwa mbunge ja kulikehesa.

Akwa Kuyula 8:15

Mba yeza kuli A-Sukote, yamba ngwenyi, Talenu Zeba ni Zalumuna waze nwanguchokele ngwenu, Te hiwakwata Zeba ni Zalumuna tukahane kulia kuli malunga je anahongo?

1 Samuel 17:18

Twala nawa kumi lia keju kuli kapitau ka kanunu ko, utale ayayenu chize atwama, ukatambule chifungo cho.

1 Samuel 17:22

David yahichika yikwata yenyi hamwe ni kafunga ka yiteli; yazomboka kuli maswalale; yameneka ayayo.

1 Samuel 30:10

David yaya nikukaula iye ni kulakaji awana a malunga. Kulakaji aali asalile kunyima. Te hijaahwa; kahashile kuzauka chitwetwe cha Bezore.

1 Samuel 30:22

Henaho yingulungulu ni atu amokomoko hakachi ka waze ayile ni David yamba ngwo, Upite uno hitwahilwisa kutuchi kuuhana kuli wano se kayile hamwe ni yetu. Mutu mweswe manda pwo lienyi ni ana jenyi aye kwenyi; kunahu.