1 Samuel 30:12 - MUKANDA USANDU WA ZAMBI 1975

¹² Mba yamwaha chipinji cha chandanda cha makuyu ni yichakata yiali ya uva jumu. Muze te halia yahuzuluka mumu kalile, kanwine matangwa atatu ni ufuku utatu.

1 Samuel 30:12 Iomraidhean Croise

Estere 4:16

Yako ukungulule A-Yunda eswe a mu Shushane alitwamine kulia hali yami. Kanda alia, kanda anwa matangwa atatu chipwe ufuku chipwe mwalwa. Ni yami ni tuvumbi twami twa mapwo mutulitwamina kulia chizechene mba chocho mungunjila kuli mwanangana. Acho kuchalitele ni shimbi, alioze nyi mungufwa, mungufwa, kwahwa.

Lungungu 1:11

Atu jenyi eswe anatu mikuma shimbu machifupa mbolo; kakusumbakenya yuma yo yilemu ni kulia akahuzulule tachi jo. Tala Yehova, uchimone, mumu hinasauka.

Yona 1:17

Yehova yalulika yishi munene akamine Yona. Yona yatwama mu jimo lia yishi matangwa atatu ni ufuku utatu.

Mateu 27:63

ngwo, Mwene, tunewuluka yono mukwa kwonga wambile shimbu achili ni mwono ngwenyi, Kulutwe lia matangwa atatu munguhinduka.

Akwa Kuyula 15:19

Zambi yapula mungutanga kuze ku Lehi, meya yatuhukamo. Samasone muze hanwa yahuzuluka, yevwa tachi. Kashika jina liako ngwo, Ene-Hakore, kwe ku Lehi kukuli ndo musono.

1 Samuel 14:27

Alioze Jonatas kevwileko muze tato ashinganga atu. Kashika yasa songo lia mulumbu apwile nawo mu kwoko mu chishila, yalia, mba yamona kanawa.

1 Samuel 30:11

Yawana Ka-Engitu mu yambu, yamuneha kuli David. Yamwaha mbolo; yalia. Yamwaha meya akanwe.

1 Samuel 30:13

David yamba kuli iye ngwenyi, Uli mutu waya? Kulihi unakatuka? Iye yamba ngwenyi, Nguli mukweze wa ku Engitu, mukwa kulingila Ka-Amaleke. Mwata wami kanakanguhichika mumu matangwa atatu kunyima ngunakaputuka kuyiza.