1 Samuel 30:11 - MUKANDA USANDU WA ZAMBI 1975

¹¹ Yawana Ka-Engitu mu yambu, yamuneha kuli David. Yamwaha mbolo; yalia. Yamwaha meya akanwe.

Mukanda Wa Zambi 1970

^11-12 Tujita waze abwile hamwe ni David yaawana mukweze mukwa Egiptu mu yambu, yaamuneha kuli David. Te hafwa zala mumu matangwa atatu kanwine meya ni kalile nichimwe. Tujita yaamwaha meya ni Chipinji cha chindanda cha makuyu, ni yichakata yaali ya vinyu yumu. Muze halia, mwe mukweze yahuzuluka.

1 Samuel 30:11 Iomraidhean Croise

Yishima 25:21

Nyi mukwa kole ye mevwa zala mulise; nyi pwila anevu munwise,

Mateu 25:35

mumu nevwile zala, mba nwanguhele kulia; nevwile pwila, mba nwanguhele meya; napwile chilambala, mba nwanguzumbwile;

Shimbi 23:7

Kanda nuvwila kole Ka-Endome mumu iye mukwenu. Kanda nuvwila kole Ka-Engitu mumu yenu nwapwile yilambala mu chifuchi chenyi.

Shimbi 23:8

Ana jo makasemuka ku chisemuko chamuchitatu kumakanjila mu chikungulwila cha Yehova.

1 Samuel 30:10

David yaya nikukaula iye ni kulakaji awana a malunga. Kulakaji aali asalile kunyima. Te hijaahwa; kahashile kuzauka chitwetwe cha Bezore.

1 Samuel 30:12

Mba yamwaha chipinji cha chandanda cha makuyu ni yichakata yiali ya uva jumu. Muze te halia yahuzuluka mumu kalile, kanwine matangwa atatu ni ufuku utatu.