1 Samuel 3:9 - MUKANDA USANDU WA ZAMBI 1975

⁹ Kashika Eli yamba kuli Samuel ngwenyi, Yako upombe. Nyi makusanyika, wambe ngwe, Amba Yehova mumu kavumbi ke kanapanjika. Chocho Samuel yaya, yapomba ha muhela wenyi.

Mukanda Wa Zambi 1970

⁹ Kashika yamulweza ngwenyi: “Hiluka, ubombe. Nyi makutambika nawa, amba ngwe, ‘Mwene Zambi hanjika, yami kavumbi ke ngunabanjika.’ ”

1 Samuel 3:9 Iomraidhean Croise

Miaso (Masamu) 85:8

Kumungwivwa chize Zambi Yehova mamba, mumu kumamba sambukila kuli atu jenyi ni kuli asandu jenyi. Alioze kanda atewulukila nawa ku uhepuke.

Miaso (Masamu) 85:9

Chamwenemwene ulamwino wenyi hakamwihi uli ni waze akumuvwila woma, hanga ulemu ukapwe mu chifuchi chetu.

Kutuhuka 20:19

O yamba kuli Mose ngwo, Hanjika yena ni yetu mba kumutwivwa, alioze Zambi kanda ahanjika kama kuchina mutufwa.

Izaya 6:8

Yingwivwa liji lia Mwene ngwenyi, Iya mungutuma? Yoze matuyilako iya? Mba yingwamba ngwami, Yami uno; ngutume yami.

Daniel 10:19

Yamba ngwenyi, Mutu wa kuzanga chikolo, kanda wivwa woma, sambukila yikapwe kuli yena; takama ukapwe ni hamu linji. Ha kuhanjika ni yami yingwivwa tachi, yingwamba ngwami, Mwene wami ahanjike mumu hiwangwaha tachi.

Yilinga 9:6

Iye, nikuchikima, nikulishikishila, wambile ngwenyi, Mwene, kuchi unazange yami ngulinge? Mwene wambile kuli iye ngwenyi, Katuka, uye, ukanjile mu limbo, makakwambulwila chize Chakutamba kulinga.

Yoshua 5:14

Iye yakumbulula ngwenyi, Ka, alioze yami hineza ngukapwe kapitau ka tujita twa Yehova. Mba Yoshua yafulamana ha meso jenyi nikuwayila, ngwenyi, Mwene, kuchi mutuma yami ngamba ye?

1 Samuel 3:10

Yehova yeza, yamana, yasanyika ngwe majila akwo ngwenyi, Samuel, Samuel. Mba Samuel yamba ngwenyi, Amba mumu kavumbi ke kanapanjika.

1 Samuel 3:8

Mba Yehova yasanyika cheka nawa kamuchitatu. Iye yahinduka, yaya kuli Eli ngwenyi, Yami uno, se wangusanyika. Eli yanyingika ngwenyi, Yehova hanasanyika mwe mwana.