1 Samuel 3:6 - MUKANDA USANDU WA ZAMBI 1975

⁶ Yehova cheka nawa yasanyika Samuel. Samuel yahinduka yaya kuli Eli. Yamba ngwenyi, Yami uno, se wangusanyika. Iye yakumbulula ngwenyi, Chakusanyikine mwanami. Yako upombe nawa.

Mukanda Wa Zambi 1970

⁶ Mwene Zambi yatambika nawa ngwenyi: “Samuel.” Neye yahinduka, yaya nawa kuli Eli nikwamba ngwenyi: “Vulie tata! Yenu nwangutambika, yami uno.” Alioze Eli ngwenyi: “Mwanami, chakutambikile kwami. Yako kwe ubombe.”

1 Samuel 3:6 Iomraidhean Croise

Ubutukilo 43:29

Iye yahetula meso jenyi, yamona mwanakwo Mbenjamine, mwe mwana wa naye, mba yamba ngwenyi, Yono mwanakwenu kasulasongo nwamwambulwile kuli yami, nyi? Kuli iye yamba ngwenyi, Mwanami, Zambi akulinge vumbi.

2 Samuel 18:22

Alioze Ahimaze mwana Zadoke yamba cheka nawa kuli Joabe ngwenyi, Chipwe chocho ngutayize kama nguzomboke kunyima lia Ka-Kushe. Joabe ngwenyi, Mwanami, yika muzombokela se kuchi kutambula kwononona ha lusango?

Mateu 9:2

Kumanyi, anehene kuli iye mukwa kalepa, kanapombo ha muhela: Yesu ha kumona Ufulielo wo, wambile kuli mukwa kalepa ngwenyi, Mwanami, hamuka; kakukonekena milonga ye.

1 Samuel 3:5

Yazomboka kuli Eli ngwenyi, Yami uno; wangusanyika. Iye yamba ngwenyi, Chakusanyikine. Yako upombe. Yaya, yapomba.

1 Samuel 3:7

Samuel kanda achinyingika Yehova; chipwe liji lia Yehova te kanda achilivwa.

1 Samuel 4:16

Mwe lunga yamba kuli Eli ngwenyi, Yami mwene nakatukanga ku jita, lie lia musono nachinanga hakachi ka tujita. Eli ngwenyi, Yuma kuchi yapwa mwanami?