1 Samuel 3:19 - MUKANDA USANDU WA ZAMBI 1975

¹⁹ Samuel yatatuka, mba Yehova wapwile hamwe nenyi. Katayijile maliji jenyi kuholoka hashi, niamwe.

Mukanda Wa Zambi 1970

¹⁹ Samuel yatatuka. Mwene Zambi yabwa hamwe nenyi, yashindakenya maliji jenyi eswe.

1 Samuel 3:19 Iomraidhean Croise

Ubutukilo 21:22

Ha mwaka uze Apimeleke ni kapitau ka tujita twenyi Fwikole yahanjika ni Apalahama ngwo, Zambi hwali hamwe ni yena mu yuma yeswe wakulinga.

Ubutukilo 28:15

Tala, yami nguli hamwe ni yena, mungukakufunga kweswako muoya, mungukakuneha nawa ku chifuchi chino, mumu chichi kakuhichika ndo hinalinga chize nakulwezanga.

Ubutukilo 39:2

Yehova wapwile hamwe ni José, iye wapwile ni somo watwamine mu zuwo lia kakó mwe Ka-Engitu.

Ubutukilo 39:3

Kakó yamona ngwenyi, Yehova kwali hamwe ni yono. Cheswacho analingi Yehova kakuchiwahisa mu kwoko lienyi.

1 Yitanga Ya Mianangana 8:56

Yehova afumane yoze hahwimisa atu jenyi A-Izalele nikulita ni chize cheswe walakenyene. Chipwe liji limuwika kuliahonene ha chilakenyo chenyi chipema chize walakenyene kuli Mose kavumbi kenyi.

1 MIANANGANA 10:10

Kashika nyingikenu haliapwila ngwenu, Nichimwe muchihona cha liji lia Yehova lize ahanjikile ha kutwala ku munyachi wa Ahabe, mumu Yehova halinga chize ambile ku kanwa lia kavumbi kenyi Eliya.

1 MIANANGANA 15:12

Lie liji alie te lia Yehova kuli Jehu ngwenyi, Ana je kumakatwama ha ngunja ya Izalele ndo ku chisemuko chamuchiwana. Chocho chapwile.

1 MIANANGANA 22:16

Yehova kanambe ngwenyi, Munguneha chipi homa hano, ni hali atu jaho, chipwe maliji eswe a mu mukanda mwanangana wa Yunda hatanga.

Izaya 43:2

Ha kupalika mu meya mungukapwa hamwe ni yena, ndusu mu njiji, kujichi kakukumba. Ha kwenda mu kahia kuchi kawema; mulengi wako kuuchi kakulalisa.

Izaya 44:26

kakukolesa liji lia kavumbi kenyi, kakulinga longeso lia mikeji jenyi; kakwamba ha kutwala ku Yerusaleme ngwenyi, Atu matwamamo; kakwamba ha kutwala ku yihunda ya Yunda ngwenyi, Kumuyikatungiwa; mungutungulula yize yapuzuka.

Izaya 55:11

chocho liji liami lize Kakutuhuka mu kanwa liami mulipwa; kulichi kuhiluka kuli yami mokomoko, alioze mulikalinga chuma chize ngunapale, mulikawaha mu milimo yize nalitumine.

Mateu 1:23

Talenu, *virgem kumakapwa ni ufumba, makasema mwana-lunga, no kumakamuluka jina ngwo, Emanuele; lienalio Unalumbunuka ngwo, Zambi hamwe ni yetu.

Luka 1:28

Mungelo wejile kuli iye, wambile ngwenyi, Vulie! Yena hanakuvumbisa kuli Zambi; Mwene kwali hamwe ni yena; kuwawaha hakachi ka mapwo.

Luka 1:80

Mwe mwana watatukile, wafundwile mu Spiritu, wapwile mu puya ndo tangwa lia kumulweza kuli A-Izalele.

Luka 2:40

Mwe Mwana watatukile, watakamine mu Spiritu, wazalile tò ni mana: ni vumbi lia Zambi liapwile hali iye.

Luka 2:52

Mba Yesu wasenyene kulutwe ni mana ni Chizundamo, nikuwana vumbi kumeso ja Zambi ni atu.

2 Korintu 13:11

Ha kusula, mandumbu, wahililenu. Pwenu angunu; lilembejekenu; pwenu ni kunyonga chimuwika; pwenu ni sambukila: ni Zambi ya zango ni sambukila kumakapwa hamwe ni yenu.

2 Korintu 13:14

Vumbi lia Mwene Yesu Kristu, ni zango lia Zambi, ni kuliendela cha Spiritu Musandu chikapwe hamwe ni yenu eswe.

Shimbi 18:22

Muze profeta mahanjika ni jina lia Yehova, nyi chuma kuchejile hanji kuchasolokele, che chize Yehova kachihanjikile; mwe profeta hachihanjika cha kulengumuka, kanda manuvwila woma.

2 Timoteu 4:22

Mwene Yesu Kristu akapwe hamwe ni Spiritu ye. Vumbi likapwe hamwe ni yena. Amene.

Yoshua 21:45

Nichimwe chilakenyo chipema chahonene kuli akwa vungu lia Izalele chize Yehova hanalakenya. Yeswe yamanunukine.

Akwa Kuyula 13:24

Mba mwe pwo yasema mwana. Yamuluka jina lienyi Samasone. Mwana-lunga watatukile mba Yehova Wamuwahishile.

1 Samuel 10:7

Mba muze yilayi muyipwa kuli yena hilinga chize unamono kulinga mumu Zambi kwali hamwe ni yena.

1 Samuel 12:2

Haliapwila mwanangana kanende kumeso jenu ni yami hinapwa mukulwana ni kambu jitoma, ni anami a malunga kwali hakachi kenu. Hingunende kumeso jenu chize ku wanuke wami ndo musono.

1 Samuel 16:18

Umwe mukweze wakumbulwile ngwenyi, Hinamona umwe mwana wa Yese wa ku Mbeteleme kananyingika kwimba kanawa. Kapwa nawa chitakame, mukwa hamu, kajita, chikanyame, mupema ku meso, ni Yehova kali nenyi hamuwika.

1 Samuel 18:12

Saulu wevwilile woma wunji David mumu Yehova kwali hamuwika nenyi, hakatuka kuli Saulu.

1 Samuel 18:14

David walingile ni mana mu majila jenyi eswe, mba Yehova wapwile hamwe nenyi.

1 Samuel 18:5

David wayile kweswako Saulu wamutumine nikulinga ni mana, mba Saulu yamusa helu lia tujita twenyi. Acho chapemenene atu eswe. Chipwe ngamba eswe a Saulu chaapemenene.

1 Samuel 2:21

Yehova yanangisa Hana, iye yaka ufumba, yasema ana; a malunga atatu, a mapwo aali. Ni mwe mwana Samuel yatatuka kumeso ja Yehova.

1 Samuel 2:26

Alioze mwe mwana Samuel wayile nikutatuka, nikuwana vumbi kuli Yehova ni kuli atu nawa.

1 Samuel 9:6

Yakumbulula ngwenyi, Mwali mu chihunda chino umwe mutu wa Zambi, kakumulemesa chikolo. Cheswacho mamba, kuchakupwa. Tuye kuli iye, hanji mahasa kutujimbwila jila yetu kuze tunayi.