1 Samuel 3:17 - MUKANDA USANDU WA ZAMBI 1975

¹⁷ Eli ngwenyi, Chuma chize Yehova hakulweza, chika? Ngunaliumbu, kanda unguswekelacho. Nyi munguswekela chimwe cha yize yeswe Yehova hakulweza—Zambi akakulingecho nikuwezaho nawa.

Mukanda Wa Zambi 1970

¹⁷ Eli ngwenyi: “Liji lika akulweza Mwene Zambi? Kanda unguswekela lio. Nyi kuwangulwezele eswe, Mwene Zambi makumwesa lamba.”

1 Samuel 3:17 Iomraidhean Croise

2 Samuel 14:18

Mwanangana yakumbulula kuli pwo ngwenyi, Chize mungukuhula kanda unguswekelacho. Pwo ngwenyi, Mwene wami mwanangana ahanjike.

2 Samuel 19:13

Ambenu kuli Amasa nawa ngwenu, Ngwami, uli wa yifwaha yami ni musunya wami. Zambi alinge chocho kuli yami nikuwezaho nawa kachi chakusele kapitau wa tujita matangwa eswe kusalakana Joabe.

2 Samuel 3:35

Atu eswe ejile kushinjila David akalie shimbu kuchili mwalwa. Alioze David yalishinga ngwenyi, Zambi chocho alinge kuli yami nikuwezaho nawa nyi mungulia mbolo hanji chimwe chuma chikwo ndo tangwa hilianjila.

2 Samuel 3:9

Zambi chocho alinge kuli yami Abenere nikuwezaho nawa, nyi chalingilile David chize Yehova hanalishingi nenyi,

1 Yitanga Ya Mianangana 22:16

Mwanangana ngwenyi, Kangahi changutamba kukukanjisa ni shingo ngwami, Kanda uhanjika nichimwe kuli yami shina umwenemwene mu jina lia Yehova?

1 MIANANGANA 6:31

Henaho mwanangana yamba ngwenyi, Nyi mutwe wa Elisha mwana Sefate mapwa nawo musono, Zambi achilinge kuli yami nikuwezaho nawa.

Miaso (Masamu) 141:5

Akwa ululi akangulambe; muchipwa ngwe utu wa zango. Akangwambe; muchipwa ngwe maji ha mutwe wami. Kanda utayiza mutwe wami kulitunacho, alioze kulemba chami muchinyongonoka ndusu mu kupinjisa cha waze.

Jeremia 38:14

Mwanangana Zedekia yasaka profeta Jeremia yahanjika nenyi ku unjililo wamuchitatu wa zuwo lia Yehova. Mwanangana yamba kuli Jeremia ngwenyi, Mungukuhula chuma, kanda unguswekela nichimwe.

Jeremia 42:4

Profeta Jeremia yamba kuli ayo ngwenyi, Hinanwivwa; mungulemba kuli Yehova Zambi yenu nikulita ni kwita chenu mba cheswacho Yehova makumbulula mungunwambulwilacho. Chichi kunuswekela nichimwe.

Daniel 4:19

Aho Daniel, jina lienyi likwo Belteshazare, yatatajala shimbu linene, ni manyonga jenyi yamuvwisa woma. Mwanangana yamba ngwenyi, Belteshazare, chilota chino ni ulumbunwiso wacho kanda chikuvwisa woma. Belteshazare yakumbulula ngwenyi, Mwene wami, chilota chino chikapwe kuli waze akunuvwila kole, ni ulumbunwiso wacho ukapwe kuli akwa kole jenu.

Mika 2:7

Enu munyachi wa Yakomba, te chinawaha kuhanjika chocho? Te Spiritu ya Yehova kakulipupula? Yitanga yino te niyenyi? Te maliji jami kalingile chipema kuli yoze menda ni kululama?

Kwalula 23:17

Yaheta kuli iye, kutala, iye te kanamanyina ku mulambu wenyi wa kulumba, ni miata ja Moape hamwe nenyi ali. Mbalake yamba kuli iye ngwenyi, Yehova kuchi hamba?

Mateu 26:63

Alioze Yesu waholele. Sasendote wambile kuli iye ngwenyi, Shingo ngunakwehe mu jina lia Zambi ya mwono, Utwambulwile kachi yena uli mwe Kristu, mwe Mwana Zambi.

Rute 1:17

Kweswako mufwila yena, ni yami mungufwila ukangufunde kuze kwene. Yehova akangulambe nyi natayiza chipwe kufwa kutuhandununa yena ni yami.

1 Samuel 14:44

Saulu yamba ngwenyi, Jonatas, Zambi achilinge ni chikwo nawa. Kufwa muofwa.

1 Samuel 20:13

Alioze nyi tata mazanga kukulinga chipi Yehova achilinge kuli yami Jonatas nikuwezaho nawa nyi chakulwezelecho nikukushika ukaye ni sambukila. Yehova akapwe ni yena chizechene ngwe hapwa ni tata.

1 Samuel 25:22

Ha chimenemene nyi hinamuhichika chipwe lunga umuwika wa kuli atu jenyi eswe, Zambi chocho angulinge nikuwezaho nawa.

1 Samuel 3:16

Alioze Eli yasanyika Samuel ngwenyi, Mwanami Samuel. Iye yamba ngwenyi, Yami uno.