1 Samuel 3:12 - MUKANDA USANDU WA ZAMBI 1975

¹² Ha tangwa lize mungulinga yeswe ya kulimika ni Eli yize hinamba ya kutwala ku munyachi wenyi chize ku uputukilo ndo ku songo.

Mukanda Wa Zambi 1970

¹² Ha tangwa lize mungukalinga nikulita ni kuhala chami kuli akwa jiko lia Eli, chize ku kabutu ndoo ku songo.

1 Samuel 3:12 Iomraidhean Croise

Ezekiel 21:5

Ni atu eswe makanyingika yami Yehova hinatomona katana kami mu chindalo chenyi, mba chichi kamutomeka nawa.

Zakaria 1:6

Maliji jami ni yiyulo yami yize natumine kuli tuvumbi twami aprofeta te kuyawanyine tulamba twenu? Kashika yalikonyeka ngwo, Chizechene ngwe Yehova-wa-Tujita wanyongene kulinga ni yetu mumu ha majila jetu ni yitanga yetu, chochene hatulinga.

Kwalula 23:19

Zambi hi mutu ko ahanjike mahuza, ka; chipwe mwana wa mutu, alikonyeke, ka. Hamba chimwe chuma, kechi kuchilinga? Hanji hachihanjika chimwe chuma, mba kechi kuchimanununa?

Luka 21:33

Lilu ni hashi kumuyikahwa, alioze maliji jami kechi kahwa nichimwe.

Yoshua 23:15

Alioze chizechene ngwe yuma yeswe yipema yize Yehova Zambi yenu hananulakenya hiyamanunuka, chocho yuma yeswe yipi Yehova manwaha ndo hinwanonga ha chifuchi chino chipema Yehova Zambi yenu hanwaha.

Akwa Kuyula 4:24

Mba A-Izalele yashata Jabini mwanangana wa Kanana nikuweza tachi tangwa ha tangwa ndo hamujima lume.

1 Samuel 4:11

Ni mushete wa Zambi yautambula; ni ana aali a Eli, Hofni ni Finehase yafwa.

1 Samuel 4:17

Mukeji yakumbulula ngwenyi, A-Izalele hachina kumeso ja A-Filistea; hikwapwa kushiha chinene hakachi ka atu; ni ana je aali nawa Hofni ni Finehase hafwa; ni mushete wa Zambi hautambula.

1 Samuel 4:21

Iye yaluka mwana ngwenyi, Ikabode, mumu ngwenyi, Ulemu hiwakatuka kuli A-Izalele, mumu hatambula mushete wa Zambi ni ha chikuma cha tato-weno ni mukwo-lunga.

1 Samuel 4:22

Ngwenyi, Ulemu hiwakatuka kuli A-Izalele, mumu hanatambula mushete wa Zambi.