1 Samuel 3:11 - MUKANDA USANDU WA ZAMBI 1975

¹¹ Yehova yamba kuli Samuel ngwenyi, Tala mungulinga chimwe chuma mu Izalele mba mutu mweswe machivwa matwi jenyi eswe aali mevwa chimbangwinya.

Mukanda Wa Zambi 1970

¹¹ Mba Mwene Zambi yamulweza ngwenyi: “Tala, mungukalinga chimwe Chuma chikalu kuli Aisraele. Atu eswe waze maakachivwa, chimbangwinya maakevwa.

1 Samuel 3:11 Iomraidhean Croise

1 MIANANGANA 21:12

kashika Yehova Zambi ya Izalele kanambe ngwenyi, Munguneha hali A-Yerusaleme ni hali A-Yunda yipi yimwe, mba waze machivwa, matwi jo eswe ni aali makevwa chimbangwinya.

Jobe 41:9

Kutalatala cha mutu kechi kuchimona. Manungukina hashi chipwe ha kumumona meso.

Izaya 28:19

Chisuho cheswe muchipalika muchinumbata; mumu muchipalika ha chimene ha chimene, ni mwalwa ni ufuku, mba kumuchikapwa we mwongo lume muze sango mujinulumbunuka.

Izaya 29:14

kashika cheka nawa mungulinga yikomokeso ni vungu lino; te yikomokeso ni yipupu. Mana ja akwa mana jo kumakakuwa, ni malinjekela ja akwa malinjekela kumakafukiwa.

Jeremia 19:3

Muwamba ngwe, Ivwenu liji lia Yehova, yenu mianangana ja Yunda ni akwa Yerusaleme. Yehova-wa-Tujita mwe Zambi ya Izalele kanambe ngwenyi, Ngunaneha chipi chimwe chikalu ha chifuchi chino matwi ja waze machivwa makapwa ni chimbangwinya.

Habakuke 1:5

Tala hakachi ka mavungu umone; komoka ni kulishimwoka. Mumu ngunalingi milimo yimwe ha matangwa je ena kuchi kufuliela chipwe makwambulwilayo.

Luka 21:26

atu nikulezumioka ha woma, ha kutalatala yuma yize muyiza ha yifuchi yeswe ya hashi, mumu tachi ja malilu kumujikanyika.

Yilinga 13:41

Talenu, yenu akwa kaleleso, komokenu, tokenu; mumu mungulinga chitanga ha matangwa jenu, chitanga chize kunuchi kachifuliela nichimwe, kachi umwe manwambulwilacho.

1 Samuel 3:10

Yehova yeza, yamana, yasanyika ngwe majila akwo ngwenyi, Samuel, Samuel. Mba Samuel yamba ngwenyi, Amba mumu kavumbi ke kanapanjika.

1 Samuel 4:10

Chocho A-Filistea ashile jita, yakumba A-Izalele. A-Izalele yachinyina mutu ku mbalaka yenyi mutu ku mbalaka yenyi. Kwapwile kushiha chinene, mumu kwafwile a kuli A-Izalele makumi atatu a tununu a maswalale a kwenda hashi.