1 Samuel 3:10 - MUKANDA USANDU WA ZAMBI 1975

¹⁰ Yehova yeza, yamana, yasanyika ngwe majila akwo ngwenyi, Samuel, Samuel. Mba Samuel yamba ngwenyi, Amba mumu kavumbi ke kanapanjika.

Mukanda Wa Zambi 1970

¹⁰ Mwene Zambi yeza, yamana, yatambika ngwe yisuho yikwo: “Samuel! Samuel!” Samuel yakumbulula ngwenyi: “Vulie mwane! Hanjikenu, yami kavumbi kenu ngunahanjika.”

1 Samuel 3:10 Iomraidhean Croise

Yoshua 5:14

Iye yakumbulula ngwenyi, Ka, alioze yami hineza ngukapwe kapitau ka tujita twa Yehova. Mba Yoshua yafulamana ha meso jenyi nikuwayila, ngwenyi, Mwene, kuchi mutuma yami ngamba ye?

1 Samuel 12:2

Haliapwila mwanangana kanende kumeso jenu ni yami hinapwa mukulwana ni kambu jitoma, ni anami a malunga kwali hakachi kenu. Hingunende kumeso jenu chize ku wanuke wami ndo musono.

1 Samuel 3:11

Yehova yamba kuli Samuel ngwenyi, Tala mungulinga chimwe chuma mu Izalele mba mutu mweswe machivwa matwi jenyi eswe aali mevwa chimbangwinya.

1 Samuel 3:15

Samuel yapomba ndo hikwacha, mba yazulula mapito a zuwo lia Yehova, te woma anevu kulweza usolwelo kuli Eli.

1 Samuel 3:21

Mba Yehova yasoloka kuli Samuel cheka nawa mu Shilo. Mumu Yehova walisolwele kuli Samuel mu Shilo ku liji lia Yehova.

1 Samuel 3:8

Mba Yehova yasanyika cheka nawa kamuchitatu. Iye yahinduka, yaya kuli Eli ngwenyi, Yami uno, se wangusanyika. Eli yanyingika ngwenyi, Yehova hanasanyika mwe mwana.

1 Samuel 3:9

Kashika Eli yamba kuli Samuel ngwenyi, Yako upombe. Nyi makusanyika, wambe ngwe, Amba Yehova mumu kavumbi ke kanapanjika. Chocho Samuel yaya, yapomba ha muhela wenyi.