1 Samuel 29:4 - MUKANDA USANDU WA ZAMBI 1975

⁴ Alioze tupitau twa A-Filistea atenukine nenyi. Tupitau twa A-Filistea yamba kuli iye ngwo, Hilwisa yono lunga, aye kuze wamuselele chihela. Kechi kuya ni yetu ku jita, kuchina hanji mu jita malumuka mukwa kulimika ni yetu. Kuchi yono mawana ni mwata wenyi? Ngwetu, Machilinga ni mitwe ya wano malunga.

Mukanda Wa Zambi 1970

⁴ Alioze miata ja tujita yaamutenukina, yaamwamba ngwo: “Muhilwise kuze atwama. Kechi kuya ni yetu mu jita. Nyi ka, mu jita malumuka ni kulimika ni yetu. Ngwe kuchi mahasa kuwana ni mwata wenyi? Ngwami, mahasa kuchilinga nyi washiha yetu.

1 Samuel 29:4 Iomraidhean Croise

1 Sango Ja Mianangana 12:19

Amwe A-Manase yeza kuli David muze wejile ni akwa kuyula ja A-Filistea akase jita ni Saulu, alioze kaakwashile, mumu muze A-Filistea hachitwama punga yamukatwisa ngwo, Maya sali lia mwene wenyi Saulu nikukoka Utoji ha mitwe yetu.

1 Sango Ja Mianangana 12:20

Ha kuya ku Zikalage amwe A-Manase alifutwile ni David: Adena, ni Jozabade, ni Jediaele, ni Mikele, ni Jozabade, ni Elihu, ni Ziletai tupitau a tununu apwile a Manase.

Kutuhuka 1:10

Tuyenu, tulinge kuli ayo ni mana kuchina moka, mumu kachi mukupwa jita, o makalifutula ni akwa kole jetu, akaliase ni yetu mba kumakakatuka ku chifuchi.

Luka 16:8

Mwene wenyi wahalishile kaselo ka uhenge, mumu walingile ni ukanyame, mumu akwa mwaka uno ha chisemuko cho ene kanakanyama kuhiana akwa pangu.

1 Samuel 14:21

Ni A-Hepreu waze apwile hamwe ni A-Filistea kunyima; waze te akatukile ku chifuchi cheswe cha kujingilika nikuya ku chilombo, chipwe o alumukine nikulifutula hamwe ni A-Izalele waze endele ni Saulu ni Jonatas.

1 Samuel 27:6

Kashika ha tangwa lize Akishe yamwaha Zikalage. Ha chikuma chino Zikalage yapwa ya mbala ya mianangana ja A-Yunda ndo musono.

1 Samuel 29:9

Akishe yakumbulula kuli David ngwenyi, Ngunanyingika, nyi yami unangupemena ngwe umwe mungelo wa Zambi, hindu tupitau twa A-Filistea hamba ngwo, Kechi kuya ni yetu ku jita.

1 Samuel 30:1

Ha tangwa liamuchitatu muze David ni malunga jenyi yeza ku Zikalage, kumanyi A-Amaleke hananeha jita ku Negeve ni ku Zikalage. Hanakumbu chihunda cha Zikalage nikuchocha kahia.