1 Samuel 29:3 - MUKANDA USANDU WA ZAMBI 1975

³ tupitau twa A-Filistea yamba ngwo, Wano A-Hepreu, yika analingi kuno? Mba Akishe yamba kuli tupitau twa A-Filistea ngwenyi, Au ngwami, David kavumbi ka Saulu mwanangana wa Izalele. Hatwama ni yami matangwa ni miaka mba hanga ejile kuli yami chawanyine muli iye chitela ndo musono.

Mukanda Wa Zambi 1970

³ Muze miata ja tujita twa Afilistia haamona, yaahula ngwo: “Wano Ahebreu yika analingi kuno?” Akishe yakumbulula ngwenyi: “Ngwami, au kali David, mukwa kuyula wa Saulu, mwanangana wa Aisraele. Hatwama ni yami matangwa anji. Haanga chejilile kuli yami kanda achilinga kama Chuma chibi nichimwe.”

1 Samuel 29:3 Iomraidhean Croise

Ubutukilo 14:13

Umwe yomboka, yeza, yambulwila Apalama mwe Ka-Hepreu. Iye te kanatwama ku mitondo ya Mamare Ka-Amore, mwanakwo wa Esekole ni wa Anere. Wano te halikunda ni Apalama.

1 Sango Ja Mianangana 12:19

Amwe A-Manase yeza kuli David muze wejile ni akwa kuyula ja A-Filistea akase jita ni Saulu, alioze kaakwashile, mumu muze A-Filistea hachitwama punga yamukatwisa ngwo, Maya sali lia mwene wenyi Saulu nikukoka Utoji ha mitwe yetu.

1 Sango Ja Mianangana 12:20

Ha kuya ku Zikalage amwe A-Manase alifutwile ni David: Adena, ni Jozabade, ni Jediaele, ni Mikele, ni Jozabade, ni Elihu, ni Ziletai tupitau a tununu apwile a Manase.

Daniel 6:5

Kashika wano malunga yamba ngwo, Kutuchi kuwana chitela hali yono Daniel shina mutuchiwana ha kutwala ku shimbi ja Zambi yenyi.

Yoano 19:6

Muze kashika asasendote akwa lutwe ni tupita amumwene, akololokele ngwo, Muhachilenu ha kulusu! Muhachilenu ha kulusu! Pilatu yamba kuli ayo ngwenyi, Mutwalenu yenu, numuhachile ha kulusu: mumu yami chawanyine chitela nichimwe muli iye.

A-ROMA 12:17

Kanda nufwetesa niumwe yipi ha yipi. Fupenu yuma yilemu kumeso ja atu eswe.

1 Petulu 3:16

Pwenu ni mbunge yipema: hanga ha chize manwamba chipi ngwe akwa kulinga yipi, akevwe sonyi, waze akusaula kwenda chenu chipema muli Kristu.

1 Samuel 14:11

Chocho eswe ni aali asotokele kuli maswalale ja A-Filistea. Mba A-Filistea yamba ngwo, Talenu, A-Hepreu kanatuhuka mu mena jo kuze aswamine.

1 Samuel 25:28

Konekenenu kama mulonga wa yami kavumbi kenu, mumu pundu Yehova makakolesa zuwo lia yenu mwene wami. Mumu yenu mwene wami nunase jita hali Yehova; chipi kechi kachiwana muli yenu matangwa eswe a mwono wenu.

1 Samuel 27:1

David yamba mu mbunge yenyi ngwenyi, Limwe tangwa mangwo-nwona kuli Saulu. Chuma chipema chakuhi kuli yami shina nguchinyine ku chifuchi cha A-Filistea. Ako Saulu mujimuhwa kungufupa mu njiza ja A-Izalele mba ntungwomboka ku moko jenyi.

1 Samuel 27:7

Kwalula matangwa ja David mu chifuchi cha A-Filistea apwile kumi lia tukweji ni tukweji asambano.

1 Samuel 29:6

Akishe yasanyika David, yamba kuli iye ngwenyi, Ni mwono wa Yehova uli mutu wamwenemwene, ni kuli yami kutuhuka che ni kunjila che mu jita chinanguwahila, mumu hanga wejile kuli yami chawanyine chipi muli yena ndo musono. Alioze miata kakutayile.

1 Samuel 4:6

Muze A-Filistea evwile zungo lia kukalumioka ambile ngwo, Zungo lia kukalumioka chino chinene mu chilombo cha A-Hepreu kuchi Unalumbunuka? Mba chaalumbunukine ngwo, Mushete wa Yehova hiweza mu chilombo.