1 Samuel 28:8 - MUKANDA USANDU WA ZAMBI 1975

⁸ Kashika Saulu yalihipula, yazala mazalo eka, yaya ni malunga aali hamwe nenyi, yaheta kuli mwe pwo ha ufuku. Ngwenyi, Ngunazange unguhulile umwe hamba, ukangunehene mweswawo mungutongola.

Mukanda Wa Zambi 1970

⁸ Kashika mwanangana yazala mahina eka, yaya ni atu jenyi aali, yaheta kuli mwe pwo yoze ha ufuku. Ngwenyi: “Ngutambikile umwe mukwa munanyi yoze mungukulweza.”

1 Samuel 28:8 Iomraidhean Croise

1 Yitanga Ya Mianangana 22:30

Mwanangana wa Izalele yamba kuli Yehosofate ngwenyi, Ami mungulihipula ha kuya ku jita alioze yena zala mazalo je a ngungu. Chocho mwanangana wa Izalele yalihipula; yaya ku jita.

1 Yitanga Ya Mianangana 22:34

Alioze umwe lunga yanana uta wenyi chinanyina lume yaasa mwanangana wa Izalele ha unungino wa uzalo wenyi wa utale. Kashika iye yamba kuli mukwa kwendesa temba lienyi ngwenyi, Tewuluka ukanguchize mu jita mumu hangwasa chipi chikolo.

1 Sango Ja Mianangana 10:13

Chocho yafwa Saulu ha mukunda wa Utanguko wenyi wavulumwine ni kulimika ni Yehova, mumu kafungile liji lia Yehova. Chikwo nawa wahulile chiyulo kuli mukwa mahamba;

2 Sango Ja Mianangana 18:29

Mwanangana wa Izalele yamba kuli Yehosofate ngwenyi, Ha kunjila mu jita ami mungulihipula; alioze ena, zala mahina je a ngungu. Chocho mwanangana wa Izalele yalihipula; mba eswe aali yaya ku jita.

2 Sango Ja Mianangana 35:22

Hindu Josia kasolo kukatuka kuli iye. Yalihipula akase nenyi jita. Kapanjikile ku maliji a Neko ku kanwa lia Zambi; yeza ku jita mu chikulo cha Megidu.

Izaya 8:19

Mba muze manwamba ngwo, Hanjikenu ni akwa mahamba ni yimbanda aze akuyevweta ni kulinyinguna, ambenu ngwenu, Atu kechi kuhanjika ni Zambi yo? Te mahanjika ni afu ha kutwala kuli amwono?

Jeremia 23:24

Yehova kanambe ngwenyi, Mutu mahasa kuswama kumwe kuma kwa kuhengeka, ami chichi kuhasa kumumona? Yehova kanambe ngwenyi, Te chazalishile lihi ni hashi?

Ezekiel 12:6

Kumeso jo mukazundula yikwata ha chipaya che ukayimbate ha ufuku. Fuka ku meso kanda umona chifuchi, mumu hinakutenga chilayi ku munyachi wa Izalele.

Yoano 3:19

Uno we upatwilo, ngwo, Pangu hilineza hano hashi, ni atu azangile milima, hi pangu ko; mumu yitanga yo yapwile ya ungulungulu.