1 Samuel 28:7 - MUKANDA USANDU WA ZAMBI 1975

⁷ Kashika Saulu yamba kuli ngamba jenyi ngwenyi, Ngufupilenu umwe pwo mukwa mahamba hanga ngukaye kuli iye ngumuhule. Ngamba jenyi yamba kuli iye ngwo, Kwali umwe mukwa mahamba ku Endore.

Mukanda Wa Zambi 1970

⁷ Kashika mwanangana yambila akwa kuyula ngwenyi: “Ngufupilenu umwe pwo tahi, hanga ngumuhule.” Akwa kuyula yaamulweza ngwo: “Umwe tahi uli ku limbo lia Endore.”

1 Samuel 28:7 Iomraidhean Croise

1 MIANANGANA 6:33

Shimbu machihanjika no kumanyi mwe mukeji yamuheta. Aye yamba ngwenyi, Chipi chino kuli Yehova chinakatuka. Kuchi mungutwaminyina nawa Yehova?

1 Sango Ja Mianangana 10:13

Chocho yafwa Saulu ha mukunda wa Utanguko wenyi wavulumwine ni kulimika ni Yehova, mumu kafungile liji lia Yehova. Chikwo nawa wahulile chiyulo kuli mukwa mahamba;

Miaso (Masamu) 83:10

Anongene ku Endore. Alumukine ngwe wilo wa kusa ha mavu.

Izaya 19:3

Maspiritu ja muchima lia A-Engitu munguzukula; munguvundangenya yikuma yo. Kumakaya kuhula ku mahamba, ni yimbanda, ni akwa mahamba ni akwa tufutafuta.

Alevi 19:31

Kanda nukatewulukila kuli akwa mahamba ni akwa tufutafuta. Kanda nukaafupa nukalipihise no. Yami Yehova Zambi yenu.

Habakuke 2:3

Mumu usolwelo unachitwaminyina mwaka wawo. Kuunatambuka ku songo liawo—kuushi mahuza. Chipwe mumona ngwe unashimbula shimbu hindu twaminyina. Muwiza kupwa; kuuchi kahona.

Yilinga 16:16

Shimbu mutuchiya kuma kwa kulembela, umwe mwanapwo ni Spiritu ya munanyi, watakanyine ni yetu, yoze wamwesene miata jenyi upite wunji ha kuhanjika munanyi.

Shimbi 18:11

chipwe mukwa kujilika, chipwe mukwa mahamba, chipwe mukwa tufutafuta, chipwe mukwa kuhula afu.

Yoshua 17:11

Chikwo nawa hakachi ka A-Isaka ni A-Ashe, A-Manase kali ni Mbete-Shiane ni tuyihunda twako, ni Ibliame ni tuyihunda twako, ni akwa Ndole ni tuyihunda twako, ni akwa Endore ni tuyihunda twako, ni akwa Tanaka ni tuyihunda twako, ni akwa Megidu hi tuyihunda twako, ni ye milundu yitatu.

1 Samuel 28:3

Samuel te hanafu, ni A-Izalele hanamulili nikumufunda mu Rama, chihunda chenyi mwene. Saulu iye hahuma akwa mahamba ni yimbanda mu chifuchi.