1 Samuel 28:6 - MUKANDA USANDU WA ZAMBI 1975

⁶ Alioze muze Saulu yahula kuli Yehova, Yehova kamukumbulwile chipwe ku yilota chipwe ku Urimi chipwe kuli aprofeta.

Mukanda Wa Zambi 1970

⁶ yahula Mwene Zambi chize chatamba kulinga. Alioze kamukumbulwile, chibwe ku yilota, chibwe ku Urime, chibwe kuli akwa munanyi.

1 Samuel 28:6 Iomraidhean Croise

2 Samuel 22:42

Atalile alioze wakuhi chilamwina niumwe. Atalile chipwe kuli Yehova alioze kaakumbulwile.

Miaso (Masamu) 74:9

Kutwamwene yilayi yetu. Kukushi nawa profeta niumwe. Niumwe keshiko hakachi ketu yoze manyingika muze mwaka muusula.

Kutuhuka 28:20

Mukala wamuchiwana wa turkeza, ni sardonica, ni jasepe. Ukaasele mu maselo jo ja oru.

Kutuhuka 28:30

Ukase nawa mu chipwiko cha upatwilo Urimi ni Tumimi, yikapwe ha mbunge ya Arone muze manjila kumeso ja Yehova. Arone akambate ha mbunge yenyi upatwilo wa A-Izalele kumeso ja Yehova matangwa eswe.

Yishima 27:1

Kanda ulisambila tangwa lia hamene mumu kwanyingikine chize tangwa limuwika mulineha.

Jeremia 23:28

Profeta mweswe kali ni chilota akachaule chilota chenyi, alioze mweswe kali ni liji liami ahanjike liji liami ni umwenemwene. Yehova kanambe ngwenyi, Mwambu wamokomoko ni tiliku kuyinalifu te?

Lungungu 2:9

Yikolo yenyi hiyinanjila mu mavu; hanonwona njalo jako ni kujimakwona. Mwanangana ni alemu jenyi hanayi hakachi ka mavungu; shimbi kuyishiko, ni aprofeta jenyi katambwile usolwelo kuli Yehova.

Joele 2:28

Mba kulutwe mungukazukula Spiritu yami hali atu eswe. Ana jenu a malunga ni a mapwo makaprofeteza. Makulwana jenu a malunga makateta yilota, ni akweze jenu makamona usolwelo.

Alevi 8:8

Yamusa che chipwiko, mba mu chipwiko yasa Urimi ni Tumimi.

Mika 3:7

akwa munanyi makasauka; tahi mevwa sonyi; eswe makafuka ku mivumbo yo mumu kumbululo liakuhi lia kuli Zambi.

Kwalula 12:6

Ngwenyi, Panjikenu maliji jami. Kachi profeta hwali hakachi kenu, yami Yehova kumungulisolola kuli iye mu usolwelo, kumunguhanjika nenyi mu chilota.

Kwalula 27:21

Amane kumeso ja sasendote Eleazare, iye mamuhulila ku upatwilo wa Urimi kumeso ja Yehova; ku liji lienyi o akapwe nikutuhwoka, ni ku liji lienyi akapwe nikunjilanjila, neye ni A-Izalele eswe hamwe nenyi, che chikungulwila cheswe.

Mateu 1:20

Alioze shimbu anyongene ha yino yuma, kumanyi, mungelo wa Mwene wasolokele kuli iye mu chilota, ngwenyi, José, yena mwana David, kanda wivwa woma kutambula mukwenu-pwo Maria: mumu chize chinaseseka muli iye cha kuli Spiritu Musandu.

Yoano 9:31

Alioze tunanyingika Zambi keshi kwivwa yivulumunyi: alioze kachi umwe mapwa mukwa kuwayila Zambi, malinga upale wenyi, yoze mamwivwa.

Shimbi 33:8

Ha kutwala kuli Levi yamba ngwenyi, Tumimi twe ni Urimi we, kuyili kuli mukwa uwayilo we, yoze wamwesekele ku Masa, walitachikile nenyi ku meya a Meripa.

Tiangu (Jake) 4:3

Nwakwita aiioze kunushi kutambula, mumu nwakwita ha yipi, hanga nukachihwise ha usolo wenu.

1 Samuel 14:37

Saulu yahula mana kuli Zambi ngwenyi, Ngupalumuke kunyima lia A-Filistea nyi? Muakunjika mu moko ja A-Izalele nyi? Alioze kamukumbulwile tangwa lize.

1 Samuel 28:15

Samuel yamba kuli Saulu ngwenyi, Kuchi te hiwangusakalisa nikunguvumbula? Saulu ngwenyi, Ngunapinji chikolo A-Filistea kanase jita ni yami. Zambi hanangumbu nyima; kangukumbulwile nawa, chipwe kuli aprofeta chipwe Ku yilota, kashika hinakusanyika ungulweze chize changutamba kulinga.

1 Samuel 28:5

Muze Saulu yamona tujita twa A-Filistea yevwa woma; mbunge yenyi yiyichikima chikolo.