1 Samuel 28:16 - MUKANDA USANDU WA ZAMBI 1975

¹⁶ Samuel yamba ngwenyi, Nyi Yehova hanakumbu nyima, hanalumuka mukwa kole kuli yena kuchi te unanguhula yami?

Mukanda Wa Zambi 1970

¹⁶ Hako Samuel ngwenyi: “Nyi Mwene Zambi hakumba nyima, habwa mukwa kole ye, kuchi mba unanguhula yami?

1 Samuel 28:16 Iomraidhean Croise

1 MIANANGANA 6:27

Aye ngwenyi, Nyi Yehova kakukwashile, ami neka mungukukwasa? Shina ku chizungwilo, nyi ku ukamino wa uva?

Lungungu 2:4

Hanana uta wenyi ngwe mukwa kole ni kwoko lienyi lia chindume lia kusa ngwe mukwa kulimika. Hanashihi kulengumuka cheswe cha meso jetu mu mbalaka ya mwana-pwo Zaione; hanazukula ufwatulo wenyi ngwe kahia.

Lungungu 2:5

Mwene hanalumuka ngwe mukwa kole, hanonwona Izalele. Hanonwona palasiu jamo; hanapuzula mbonge jamo; hanokesa kulishimwoka ni lungungu muli mwana-pwo Yunda.

Usolwelo 18:20

Ivwa chiseke, yena lilu, ni yenu asandu, ni yenu apostolo, ni yenu aprofeta; mumu Zambi hanapatula upatwilo wenu hali iye.

Usolwelo 18:24

Muli iye awanyine manyinga ja aprofeta ni ja asandu, ni ja waze eswe aashihile hashi.

Akwa Kuyula 5:31

Yehova, chocho akafwe akwa kole je eswe. Alioze masepa je akapwe ngwe tangwa muze mulivumbuka ni tachi jalio. Mba chifuchi chahwimine makumi awana a miaka.

1 Samuel 28:15

Samuel yamba kuli Saulu ngwenyi, Kuchi te hiwangusakalisa nikunguvumbula? Saulu ngwenyi, Ngunapinji chikolo A-Filistea kanase jita ni yami. Zambi hanangumbu nyima; kangukumbulwile nawa, chipwe kuli aprofeta chipwe Ku yilota, kashika hinakusanyika ungulweze chize changutamba kulinga.

1 Samuel 28:17

Yehova hanakulingi nikulita ni liji liami mumu Yehova hanachangumuna wanangana mu kwoko lie, hanauhane kuli mukwenu David.