1 Samuel 28:12 - MUKANDA USANDU WA ZAMBI 1975

¹² Muze pwo yamona Samuel yateta ni liji linene, mba yamba kuli Saulu ngwenyi, Kuchi te wangwonga? Ngwami yena Saulu.

Mukanda Wa Zambi 1970

¹² Muze mwe pwo hamona hako Samuel, yakololoka, yahula mwanangana ngwenyi: “Kuchi mba wangwonga? Kuma yena mwanangana Saulu!”

1 Samuel 28:12 Iomraidhean Croise

Ubutukilo 29:25

Kwapwile muze hikwacha, kumanyi Liya! Yakomba yamba kuli Lapane ngwenyi, Chino wangulinga chika? Te chakulingilile milimo hali Rakele? Kashika kuchi te wangwonga?

1 Yitanga Ya Mianangana 14:5

Alioze Yehova yamba kuli Ahija ngwenyi, Tala pwo lia Jeroboame kaneza akuhule ha kutwala kuli mwanenyi, kanayiji. Chikachi ni Chinganji muwamba kuli iye mumu ha kuheta malihipula ngwe umwe pwo weka.

1 Samuel 28:11

Mba pwo yamba ngwenyi, Ngukuvumbwile iya? Iye yamba ngwenyi, Nguvumbwile Samuel.

1 Samuel 28:13

Mwanangana yamba kuli iye ngwenyi, Kanda wivwa woma. Yika unamono? Pwo yamba kuli Saulu ngwenyi, Ngunamono umwe zambi kanavumbuka hashi.

1 Samuel 28:3

Samuel te hanafu, ni A-Izalele hanamulili nikumufunda mu Rama, chihunda chenyi mwene. Saulu iye hahuma akwa mahamba ni yimbanda mu chifuchi.