1 Samuel 27:8 - MUKANDA USANDU WA ZAMBI 1975

⁸ David ni malunga jenyi ayile nikupupa A-Ngeshure, ni A-Ngezere, ni A-Amaleke, mumu katu ku shakulu e akwa chifuchi wano, ndo ku Shure ku chifuchi cha Engitu.

Mukanda Wa Zambi 1970

⁸ Ha matangwa waze David ni tujita twenyi te kaakuya ni kwasa jita ni Ageshure, ni Agirzi, ni Aamaleke, mumu chize ku shakulu, wano te enya chifuchi. Te kaakububa yuma mu chifuchi cho ndoo ku limbo lia Shure mu chifuchi cha Egiptu.

1 Samuel 27:8 Iomraidhean Croise

2 Samuel 14:23

Chocho Joabe yakatuka, yaya ku Ngeshure, yaneha Absalome ku Yerusaleme.

2 Samuel 14:32

Absalome yakumbulula kuli Joabe ngwenyi, Natuma kuli yena ngwami, Tweya kuno ngukutume kuli mwanangana uambe ngwe, Kuchi te nakatukile ku Ngeshure? Shinaho kachi nasalile kuze. Kashika ngutayize ngumone meso ja mwanangana. Nyi uhenge nguli nawo, angushihe.

2 Samuel 15:8

Mumu yami kavumbi kenu nalakenyene chilakenyo shimbu te ngunatwama mu Ngeshure mu Seria ngwami, Nyi Yehova manguhetesa nawa ku Yerusaleme chamwenemwene mba mungulingila Yehova.

2 Samuel 3:22

Henaho atu ja David hamwe ni Joabe ejile, te anakatuka ku jita nikuneha upite wunji. Alioze Abenere keshi ni David mu Heprone mumu hamutuma mba haya ni sambukila.

2 Samuel 3:3

Wamuchiali Chiliabe, mwana wa Abigale, wapwile pwo lia Nabale wa ku Karmela. Wamuchitatu Absalome, mwana wa Maka, iye mwana wa Talamai, mwanangana wa Ngeshure.

2 Samuel 8:12

ya Seria, ni Moape, ni A-Amone, ni A-Filistea, ni A-Amaleke, ni upite wa Hadadezere mwana Rehobo, mwanangana wa Zoba.

1 Sango Ja Mianangana 2:23

Ngeshure ni Arame yatambula kuli ayo membo a Njaire hamwe ni Kenate ni yihunda yako, te makumi asambano. Wano eswe ana ja malunga a Makire tato ya Ngiliate.

Kutuhuka 15:22

Mose watwalile A-Izalele chize ku Kalunga-lwiji Muchila, yanjila mu puya ya Shure. Yaya wenyi wa matangwa atatu mu puya. Kawanyinemo meya niamwe.

Kutuhuka 17:8

Henaho ahetele A-Amaleke. Yasa jita ni A-Izalele mu Refwindimi.

Kwalula 13:29

A-Amaleke katwama mu chifuchi cha Negeve; ni A-Hete, ni A-Yepushe, ni A-Amore katwama ku milundu; ni A-Kanana katwama ku mbaka ni mu chikulo cha Yordau.

Kwalula 14:45

Haze hene hapalumukine A-Amaleke ni A-Kanana, aze atwamine ha we mulundu, yaalamba ni kwaonwona, ndo ku Horoma.

Yoshua 12:5

Wayulile ha mulundu wa Hermone, ni Saleka, ni Mbashane kweswe ndo ku njiza ya A-Ngeshure ni A-Makata, ni chihanda cha ha muchima cha Ngiliate ndo ku njiza ya Sahone mwanangana wa Heshebone.

Yoshua 13:13

Hindu A-Izalele kahumine A-Ngeshure ni A-Makata, alioze Ngeshure ni Makata anatwama hakachi ka A-Izalele ndo musono.

Yoshua 13:2

Chifuchi chasala chino, yihanda yeswe ya A-Filistea, ni yeswe ya A-Ngeshure.

Yoshua 16:10

Hindu kahumine A-Kanana waze atwama mu Ngezere. Chocho A-Kanana hanatwama hakachi ka A-Eframe ndo musono, alioze hapwa ndungo ja kulinga ungamba.

Akwa Kuyula 1:29

A-Eframe no kahumine A-Kanana aze atwama mu Ngezere, alioze A-Kanana atwamine mu Ngezere hakachi ko.

1 Samuel 29:6

Akishe yasanyika David, yamba kuli iye ngwenyi, Ni mwono wa Yehova uli mutu wamwenemwene, ni kuli yami kutuhuka che ni kunjila che mu jita chinanguwahila, mumu hanga wejile kuli yami chawanyine chipi muli yena ndo musono. Alioze miata kakutayile.

1 Samuel 30:1

Ha tangwa liamuchitatu muze David ni malunga jenyi yeza ku Zikalage, kumanyi A-Amaleke hananeha jita ku Negeve ni ku Zikalage. Hanakumbu chihunda cha Zikalage nikuchocha kahia.