1 Samuel 27:12 - MUKANDA USANDU WA ZAMBI 1975

¹² Akishe wafulielele David mumu wanyongene ngwenyi, Iye hanalipwisa mukwa kole Wahiana kuli atu jenyi A-Izalele kashika mapwa kavumbi kami miaka yeswe.

Mukanda Wa Zambi 1970

¹² Alioze Akishe yafuliela David, yalihanjikesa ngwenyi: “David halipwisa mukwa kole Wahiana kuli atu jenyi Aisraele, kumabwa kavumbi kami ku miaka yeswe.”

1 Samuel 27:12 Iomraidhean Croise

Ubutukilo 34:30

Yakomba yamba kuli Simeone ni Levi ngwenyi, Lamba nwangunehena. Nwangupwisa ngwe vumba lipi hakachi ka akwa chifuchi, A-Kanana ni A-Perize. Se yami chishi ni atu anji malikungulula hamuwika akalikwate ni yami akangulambe. Kumungunonga, ni yami ni akwa zuwo liami.

2 Samuel 10:6

Muze A-Amone hamona ngwo, Tunanuku kuli David, yatuma nikufweta A-Seria a ku Mbete-Rehobo ni A-Seria a ku Zoba, makumi aali a tununu a maswalale akwa kwenda hashi, ni mwanangana wa Maka ni kanunu ka malunga, ni akwa Tope kumi lia tununu ni tununu aali a malunga.

Kutuhuka 5:21

Yamba kuli ayo ngwo, Yehova anutale. Iye apatule mumu hinwatunukisa ni vumba lipi kumeso ja Falau ni kumeso ja ngamba jenyi ha kuhana katana mu kwoko lio akatushihe.

1 Samuel 13:4

A-Hepreu eswe evwile ngwo, Saulu hapupa maswalale ja A-Filistea, ni A-Izalele hanalumuka api kuli A-Filistea. Atu eswe akungulukilile kukaula Saulu ku Ngilingali.

1 Samuel 27:11

David kahichikile niumwe ni mwono chipwe lunga chipwe pwo akanehe lusango ku Ngata. Kananyongo ngwenyi, Kuchina matwambulula ngwo, David chocho kakulinga. Ndako yenyi chocho yapwile shimbu lieswe Watwamine mu chifuchi cha A-Filistea.

1 Samuel 28:1

Ha matangwa aze A-Filistea yakungulula tujita two akase jita ni A-Izalele. Akishe yamba kuli David ngwenyi, Chikulumbunuke, yena ni malunga je kumunuya ni yami ku jita.