1 Samuel 26:8 - MUKANDA USANDU WA ZAMBI 1975

⁸ Kashika Abishai yamba kuli David ngwenyi, Zambi hanakunjika mukwa kole ye mu kwoko lie musono. Ngutayize ngumupalakenye hashi ni kunga ke kamuwika. Chichi kumulamba kaali.

Mukanda Wa Zambi 1970

⁸ Mba Abishai yambila David ngwenyi: “Zambi hakunjika mukwa kole ye mu moko je musono. Ngutayize hanga ngumutuwe ni lie kunga lienyi kamuwika lume. Chichi kumutuwa kaali!”

1 Samuel 26:8 Iomraidhean Croise

2 Samuel 16:9

Mba Abishai mwana Zeluia yamba kuli mwanangana ngwenyi, Kuchi te yono kawa mufu kanatuku mwene wami mwanangana? Ngutayizenu kama, nguye ngumutape mutwe.

Miaso (Masamu) 31:8

Kuwatayijile akwa kole kungukakachila mu kwoko lio; hiwasa yiliato yami ha chihela chinene.

Jeremia 40:15

Mba Johanane mwana Karea yamba kuli Gedalia ku lumbu ukawo mu Mizepa ngwenyi, Ngutayize, nguye ngukashihe Ishemali mwana Netania mba niumwe machinyingika. Kuchi te makushiha? Nyi chocho malinga, A-Yunda eswe wano eswe anakungulukila kuli yena makamwanangana, mba masalila ja A-Yunda makakuwa.

Nahume 1:9

Yehova nunamutwama punga kuchi? Iye kumakapatula kamuwika kunahu; kechi kalamba kaali.

A-ROMA 11:32

Mumu Zambi hanaayiki eswe mu uhulia, hanga akaavwile eswe keke.

Shimbi 32:30

Kuchi umuwika mahuma kanunu hanji aali mazombwesa kumi lia tununu, kachi Liwe lio kaalanjishile kachi Yehova kaambilile?

Yoshua 21:44

Yehova waahele kuhwima kweswe kwa kujingilika chizechene ngwe walishingile kuli tulamba two. Niumwe hakachi ka akwa kole jo hahasa kulimika no, mumu Yehova hakunjika akwa kole jo eswe ku moko jo.

Akwa Kuyula 1:4

Henaho A-Yunda yakanduka mba Yehova yakunjika A-Kanana ni A-Perize mu moko jo. Kumi lia tununu aakumbile ku Mbezeke.

1 Samuel 23:14

David Watwamine mu mbonge jenyi mu puya, hakachi ka milundu ya mu puya ya Zife. Saulu wamufupile matangwa eswe alioze Zambi kamukunjikile kuli iye.

1 Samuel 24:4

Malunga a David yamba kuli iye ngwo, Lino lie tangwa Yehova wambile ngwenyi, Mungukunjika mukwa kole ye kuli yena mba muhasa kumulinga cheswacho chinakupemena. David yakatuka, yateta ku lupula wa hina lia Saulu, iye kachinyingikine.

1 Samuel 24:5

Alioze kulutwe David yalikonyeka mu mbunge mumu hateta lupula wa hina lia Saulu.

1 Samuel 26:23

Yehova akononone mutu mweswe nikulita ni ululi wenyi ni kushishika chenyi, mumu Yehova wanukunjikanga kuli yami musono hindu cholwele kwoko liami kulimika ni yoze amuwayishile kuli Yehova.

1 Samuel 26:7

Chocho David ni Abishai yaya kuze kunapombo tujita ha ufuku; ni Saulu kanapomboko muchima lia chilombo ni kunga lienyi lia kujika hashi ku mutwe wenyi ni Abenere ni tujita eswe kanapombo kwa kumujingilika.

1 Samuel 26:9

Alioze David yamba kuli Abishai ngwenyi, Kanda umwonwona, mumu iya mahasa kusamba nyi masa kwoko lienyi lia kulimika ni yoze Yehova hanamuwayisa?