1 Samuel 26:25 - MUKANDA USANDU WA ZAMBI 1975

²⁵ Mba Saulu yamba kuli David ngwenyi, Ukawahe, mwanami David. Kumukalinga yuma yinji; kumukayimanununa kanawa. Chocho David wayile kwenyi. Saulu yahiluka ku mahio.

Mukanda Wa Zambi 1970

²⁵ Mba mwanangana yamba ngwenyi: “Mwanami David, Zambi akuwahise! Kumuukawaha mu yuma yeswe yize muukalinga.” Hohene David yaya kwenyi, mwanangana Saulu neye yahiluka ku mahio.

1 Samuel 26:25 Iomraidhean Croise

Ubutukilo 32:28

Iye yamba ngwenyi, Jina lie kulichi kupwa nawa Yakomba, alioze mulipwa Izalele, mumu walitachika ni Zambi, walitachika ni atu, wakumba.

Yishima 26:25

Muze mahanjika kanawa kanda umufuliela mumu kali ni yizelwokeso shimbiali mu mbunge yenyi.

Izaya 54:17

Nichimwe chikungo muchikawaha nyi hachifula kulimika ni yena. Kumukakumika limi lieswe lize lia kulimika ni yena ha kusopa. Yehova kanambe ngwenyi, Chenacho chihinga cha tuvumbi twa Yehova, chocho nakwasambisa.

Hosea 12:4

Yalinwa ni mungelo, yakumba; yalila, yafupa vumbi lienyi. Yatakana ni Zambi ku Mbetele; kwenako Zambi yahanjika nenyi—

A-ROMA 8:35

Iya matuhandununa ku zango lia Kristu? Ngwetu, Luyinda, hanji kupinda, hanji yihungumiona, hanji kapunga, hanji uvu, hanji Utoji, hanji katana, nyi?

A-ROMA 8:37

Ngwetu, Ka, ha yino yuma yeswe twakuhiana kukumba ku tachi ja yoze waazangile.

1 Samuel 24:19

Mumu te mutu mecha mukwa kole yenyi akaye ni mwono nyi hamuwana? Chizechene Yehova akakufwetele yipema yino wangulinganga musono.

1 Samuel 24:20

Chikwo nawa ngunanyingika ena kumuopwa mwanangana mba wanangana wa Izalele muukola mu kwoko lie.

1 Samuel 24:22

David yalishinga chocho kuli Saulu. Mba Saulu yaya ku zuwo lienyi alioze David ni malunga jenyi akandukile ku mbonge yo.