1 Samuel 26:21 - MUKANDA USANDU WA ZAMBI 1975

²¹ Saulu yamba ngwenyi, Hinavulumuna mwanami David. Hiluka mumu chichi kukulinga nawa chipi, mumu mwono wami wapwanga ulemu kumeso je musono. Hinalinga uhepuke. Hinapiasuka chikolo kuhiana.

Mukanda Wa Zambi 1970

²¹ Mwanangana Saulu ngwenyi: “Mwanami David, hinavulumuna. Hiluka kwe. Chichi kukulinga nawa chibi, mumu ufuku wa musono wangwecha ni mwono. Hinalinga ni uhenge. Hinapiasuka chikolo kuhiana.”

1 Samuel 26:21 Iomraidhean Croise

1 MIANANGANA 1:13

Cheka nawa yatuma kapitau kamuchitatu ka makumi atano ni makumi jenyi atano. Mba kapitau kamuchitatu ka makumi atano yaya, yakundama, yazondama ha makungunwa jenyi kumeso ja Eliya nikumulembelela ngwenyi, Mutu wa Zambi, ngunalembe, mwono wami ni mwono wa wano makumi atano a tuvumbi twe upwe ulemu kumeso je.

1 MIANANGANA 1:14

Ngwami, kwahulumukine kahia mwilu nikwonwona tupitau atangu a makumi atano ni atu jo. Alioze haliapwila mwono wami upwe ulemu kumeso je.

Miaso (Masamu) 116:15

Kufwa cha asandu jenyi chilemu kumeso ja Yehova.

Miaso (Masamu) 49:8

Mumu ukule wa mwono wo ukalu, mba wakuhwa ndo ku miaka ya mutolo.

Miaso (Masamu) 72:14

Kumakakula mwono wo ku yihungumiona ni uswi. Manyinga jo kumapwa alemu kumeso jenyi.

Kutuhuka 9:27

Falau yatuma, yasanyika Mose ni Arone, yamba kuli ayo ngwenyi, Musono navulumuna. Yehova iye mukwa ululi. Yami ni atu jami tuli yingulungulu.

Kwalula 22:34

Mbalau yamba kuli mungelo wa Yehova ngwenyi, Hinavulumuna; mumu Chanyingikine yena wamana mu jila mukulimika ni yami. Haliapwila, kashika, nyi chinakupihila, munguhiluka kunyima.

Mateu 27:4

Ngwenyi, Hingunavulumuna mumu hingunakunjika manyinga a kusamba. Alioze o ambile ngwo, Acho chika kuli yetu? Chitale yena mwene.

1 Samuel 13:13

Samuel yamba kuli Saulu ngwenyi, Hiwalinga uhepuke. Kwalingile nikulita ni shimbi ya Yehova Zambi ye yize akwambile. Nyi chocho walinga kachi Yehova wakolesele wanangana we kuli A-Izalele ku miaka ya mutolo.

1 Samuel 15:24

Saulu yamba kuli Samuel ngwenyi, Hingunavulumuna, mumu hinatangula shimbi ja Yehova ni maliji jenu nawa, mumu nevwilile woma e atu nikupanjika ku liji lio.

1 Samuel 15:30

Mba Saulu yamba ngwenyi, Hingunavulumuna, hindu, nungulemese kama haliapwila kumeso ja makulwana a atu jami ni kumeso ja A-Izalele. Hilukenu nwize ni yami ngukawayile Yehova Zambi yenu.

1 Samuel 18:30

Mianangana ja A-Filistea matuhwokatuhwoka alioze jila yeswe atuhukile David walingile ni mana kuhiana atu eswe a Saulu. Kashika jina lienyi liafumanyine.

1 Samuel 24:17

Yamba kuli David ngwenyi, Wanguhiana ni ululi, mumu yami nakukulinga yipi, ena wakungulinga yipema.

1 Samuel 26:22

David yakumbulula ngwenyi, Mwanangana, kunga lienu lino; umwé mukweze eze alisake.

1 Samuel 26:24

Nalemesanga mwono wenu musono, chocho nawa mwono wami ukaleme kumeso ja Yehova akangupulule ku yihungumiona yeswe.

1 Samuel 27:4

Muze Saulu hevwa ngwo David hachinyina ku Ngata kamufupile nawa.