1 Samuel 26:19 - MUKANDA USANDU WA ZAMBI 1975

¹⁹ Kashika mwene wami mwanangana panjikenu ku maliji a yami kavumbi kenu. Nyi Yehova hananuvundula kulimika ni yami atambule mulambu. Alioze nyi malunga hachilinga akashingiwe kumeso ja Yehova mumu hananguhumu musono hanga ngukahone chihanda cha chihinga cha Yehova ngwo, Yako ukavumbike mazambi eka.

Mukanda Wa Zambi 1970

¹⁹ Vulie mwanangana! Banjikenu kama ku maliji jami. Nyi ngwe Mwene Zambi hananuvundula kulimika ni yami, atambule mulambu alumune mbunge yenyi. Alioze nyi atu haachilinga, Mwene Zambi aashinge, mumu hanguhuma mu chifuchi cha Mwene Zambi, ni kutwama kuze Changutamba kuwayila mazambi eka.

1 Samuel 26:19 Iomraidhean Croise

Ubutukilo 44:18

Aho Yunda yakundama kuli iye, yamba ngwenyi, Mwata wami, ngutayize kama kuhanjika liji limuwika mu matwi ja yenu mwata, yami nguli ngamba yenu. Utenu wenu kanda usasaminya hali yami ngamba yenu, mumu yenu chimuwika wapwa ni Falau.

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

2 Samuel 14:16

Mumu mwanangana kumevwa, kumakapulula kavumbi kenyi ku tachi ja yoze unafupu kutwonwona ni yami ni mwanami wa lunga hamuwika ku chihinga cha Zambi.

2 Samuel 16:10

Mwanangana ngwenyi, Enu ana ja Zeluia yika yili hakachi ka yenu ni yami? Se kanatuku, se Yehova hanamwambe ngwenyi, Tuka David, mba yoze mamba ngwenyi, Kuchi te hiwachilinga, iya?

2 Samuel 16:11

David yamba kuli Abishai ni kuli tuvumbi twenyi eswe ngwenyi, Mwanami yoze wasemukine ku mujimba wami kanafupu kungushiha. Mba yono Ka-Mbenjamine aye, ngwami, mahiana. Mwechenu atuke, mumu Yehova hamutuminacho.

2 Samuel 20:19

Yami nguli wa kuli akwa sambukila, amwenemwene mu Izalele. Alioze ena unafupu kwonwona chihunda hamwe ni anaye mu Izalele. Kuchi te mupupa chihinga cha Yehova?

2 Samuel 21:3

David yamba kuli A-Ngibeone ngwenyi, Kuchi mungunulingila hanga ngukafuke mulonga uze, ni yenu nukawahise chihinga cha Yehova?

2 Samuel 24:1

Kulutwe nawa utenu wa Yehova wakasumukine hali A-Izalele mba wasa ngumwine David kwalinga chipi ngwenyi, Yako Ualule A-Izalele ni A-Yunda.

1 Yitanga Ya Mianangana 22:22

Yehova ngwenyi, Neka? Aye yamba ngwenyi, Munguya ngukapwe Spiritu ya mahuza mu makanwa ja aprofeta jenyi eswe. Aye ngwenyi, E, kumukamusongojola, kumukamukumba. Yako ulinge chocho.

1 Sango Ja Mianangana 21:1

Satana yalimika ni Izalele. Yasongojola David alule A-Izalele.

Miaso (Masamu) 120:5

Lamba liami! mumu natwama mu Mesheke; mumu nakutwama hakachi ka mbalaka ja Keta.

Miaso (Masamu) 20:4

Akwehe chize unazange mu mbunge ye; akamanunune yiyulo ye yeswe.

Yishima 30:10

Kanda ulamikiza ngamba kuli kako, kuchina makutuka mba muopwa ni mutonga.

Izaya 60:5

Munukamona, munukapanguluka. Mbunge jenu mujikawaha ni kulikwiza, mumu matalikisa kulumbama cheswe cha kalunga-lwiji kuli yenu, upite wa mavungu muukeza kuli yenu.

Alevi 26:31

Mungupwisa yihunda yenu yahululu. Mungupwisa mazuwo jenu asandu ngwe puya, mba chichi kuhumbika milambu yenu ya lupembo mupema.

Kwalula 36:7

Chocho chihinga nichimwe cha A-Izalele kuchichi katutuluka ku munyachi nikuya ku munyachi. A-Izalele akalalaminye, mutu mweswe, ku chihinga cha munyachi wa atato.

Kwalula 36:9

Chocho chihinga nichimwe kuchichi katutuluka ku munyachi umwe nikuya ku munyachi ukwo; mumu munyachi weswe wa A-Izalele akalalaminye ku chihinga chenyi mwene.

A-ROMA 14:15

Mumu kachi ha mukunda wa kulia ndumbwe mevwa kupiha, yena kwendele nawa mu zango. Kanda ulumbula ni kulia che yoze amufwilile Kristu.

Galashia 5:12

Ngunazange kachi waze akunupinjisa akaliteteho.

Shimbi 13:3

kanda nupanjika maliji a yoze profeta, hanji yoze mukwa kulota yilota, mumu Yehova Zambi yenu ananweseka kunyingika nyi nunazange Yehova Zambi yenu ni mbunge jenu jeswe, ni alma jenu jeswe.

2 Timoteu 4:14

Alezandre fuli-unengu, wangulingile yipi yinji: Mwene makamwaha nikulita ni yitanga yenyi

1 Samuel 18:10

Mu kucha Spiritu mupi wa kuli Zambi wejile hali Saulu ni tachi mba yaprofeteza mu zuwo. David te kanembi ni kwoko lienyi chizechene ngwe tangwa ha tangwa. Saulu kali ni kunga mu kwoko.

1 Samuel 24:9

David yamba kuli Saulu ngwenyi, Kuchi te nwakupanjika maliji a waze akwamba ngwo, David kakuzanga kunulinga chipi?

1 Samuel 25:24

Yafulamana ku yiliato yenyi nikwamba ngwenyi, Mwene wami, we uhenge ukapwe hali yami wika. Ngutayize kama, yami kavumbi kenu, nguhanjike mu matwi jenu. Panjikenu kama ku maliji a yami kavumbi kenu.

1 Samuel 27:1

David yamba mu mbunge yenyi ngwenyi, Limwe tangwa mangwo-nwona kuli Saulu. Chuma chipema chakuhi kuli yami shina nguchinyine ku chifuchi cha A-Filistea. Ako Saulu mujimuhwa kungufupa mu njiza ja A-Izalele mba ntungwomboka ku moko jenyi.