1 Samuel 26:18 - MUKANDA USANDU WA ZAMBI 1975

¹⁸ Iye yamba ngwenyi, Mwene wami, kuchi te nwakunguhanga yami nguli kavumbi kenu? Yika nalinga? Uhie uka nguli nawo?

Mukanda Wa Zambi 1970

¹⁸ David yaweza ho ngwenyi: “Mwene wami, kuchi mba nwakunguhanga chichize, yami kavumbi kenu? Yika nalinga kama? Chibi chami chika kevwe?

1 Samuel 26:18 Iomraidhean Croise

Miaso (Masamu) 119:161

Yilolo hananguhungumiona shili yamokomoko, alioze mbunge yami yakuvwila mwongo maliji je.

Miaso (Masamu) 35:7

Mumu hanangutela wanda wo mu wumbu, shili yamokomoko. Hanafulila wumbu mbunge yami hindu shili yamokomoko.

Miaso (Masamu) 69:4

Waze ananguvwila kole yamokomoko hahiana kambu ja ha mutwe wami. Kanatakama, waze anazange kungusutula mwono; hapwa akwa kole jami shili yamokomoko. Hohene nahilwishile chize cheyile.

Jeremia 37:18

Jeremia yamba nawa kuli mwanangana Zedekia ngwenyi, Chipi chika nalinga kuli yenu, hanji tuvumbi twenu, hanji akwa vungu lino, nukanguse mu zuwo lia ususu?

Yoano 10:32

Yesu waakumbulwile ngwenyi, Yitanga yinji yipema hingunanulweze ya kuli Tata; ha chitanga chika cha yize munungwashila mawe?

Yoano 18:23

Yesu wamukumbulwile ngwenyi, Kachi hinahanjika yipi, mba shindakenya ha yipi: alioze kachi nahanjika kanawa, kuchi te unangulambe?

Yoano 8:46

Iya wa kuli yenu unangukumika ngwe shili nguli nayo? Kachi ngunambe umwenemwene kuchi te kunushi kungufuliela?

1 Samuel 17:29

David yamba ngwenyi, Yika nalinga kevwe? Te chikuma kuchishiko nyi?

1 Samuel 20:1

Mba David yachina ku Naiote mu Rama yeza kuli Jonatas nikwamba ngwenyi, Yika nalinga? Chitela chami chika? Mulonga wami uka kumeso ja tatenu, kanazange kungushiha?

1 Samuel 24:9

David yamba kuli Saulu ngwenyi, Kuchi te nwakupanjika maliji a waze akwamba ngwo, David kakuzanga kunulinga chipi?