1 Samuel 25:7 - MUKANDA USANDU WA ZAMBI 1975

⁷ Ngunevu ngwo uli ni akwa kutewula mapanga. Tufunga twe atwamine ni yetu; kutwaalingile chipi; kahonene nichimwe shimbu lieswe apwile mu Karmela.

Mukanda Wa Zambi 1970

⁷ Hevwa ngwo, yena unakambe mapanga je. Kanazange unyingike ngwe, tufunga twe abwile hamwe ni tujita twenyi, alioze kaalingile ko chibi. No kaatokesele nichimwe ha matangwa eswe waze abwile ku Karmele.

1 Samuel 25:7 Iomraidhean Croise

2 Samuel 13:23

Kulutwe lia miaka yiali ya muwundu Absalome wapwile ni akwa kutewula mapanga ku Mbale-Hazore hakamwihi ni Eframe. Absalome yalakenya ana eswe a malunga a mwanangana.

2 Samuel 13:24

Absalome yeza kuli mwanangana ngwenyi, Ami kavumbi kenu nguli ni akwa kutewula mapanga. Ngunaliumbu, mwanangana ni tuvumbi twenu eswe eze ni yami kavumbi kenu.

Luka 3:14

Maswalale nawa amuhulile, ngwo, Ni yetu, kuchi chatutamba kulinga? Iye wambile kuli ayo ngwenyi, Kanda nukapinjisa niumwe, chipwe kanda nukasanyina; yukenu ni fweto yenu.

Filipu 2:15

hanga nukapwe kunushi chitela, kunushi chipi, ana a Zambi, kunushi kapalia mukachi ka chisemuko cha uhenge, cha kupiya, hakachi ko nwakupanguka hano hashi ngwe temo.

Filipu 4:8

Ha yize yinasala, mandumbu, yeswayo yamwenemwene, yeswayo kuyishi lwelia, yeswayo ya ululi, yeswayo yitoma, yeswayo yatela kufwila, yewsayo ya lufuma mupema; kachi kuhiana chimwe, kachi uhaliso umwe, nyongenu ha yino yuma.

1 Samuel 22:2

Ni mweswe mukwa lamba, ni mweswe mukwa makongo, ni mweswe wevwile kupiha akungulukilile kuli iye, mba iye wapwile kapitau ko. Wapwile no kulakaji awana a malunga.

1 Samuel 25:21

David te hamba ngwenyi, Pundu nafungile yuma yeswe ya yono lunga mu puya, nichimwe chamutokele chakuhi. Alioze kuchamulumbunukine; hananguhilwisa yipi ha yipema yami.