1 Samuel 25:2 - MUKANDA USANDU WA ZAMBI 1975

² Kwapwile umwe lunga mu Mayone alioze upite wenyi Watwamine mu Karmela. Iye pichi; kali ni tununu atatu a mapanga, ni kanunu ka pembe. Te kanatewula mapanga jenyi mu Karmela.

Mukanda Wa Zambi 1970

^2-3 Ku vungu lia Kaleba kwabwile umwe lunga jina lienyi Nabale, wa ku limbo lia Maone. Munda wenyi wabwile hehi ni limbo lia Karmele. Te pichi munene, yabwa ni mapanga 3,000, ni pembe 1,000. Pwo lienyi Abigaile, te chileza ni mukwa malinjekela, alioze mwe Nabale te mubi, chifwatulo. Nabale te kanakambe mapanga jenyi mu Karmele.

1 Samuel 25:2 Iomraidhean Croise

Ubutukilo 13:2

Apalama yapita yimuna, ni prata, ni oru yinji.

Ubutukilo 26:13

mba iye wapwile mutu munene, yaliwezela ndo hapwa munene chikolo.

Ubutukilo 31:19

Alioze te Lapane haya kutewula mapanga jenyi, kashika Rakele yeya mahamba ja tato.

Ubutukilo 32:14

Pembe a yihwo makulakaji aali; a kuji makumi aali, mapanga a yihwo makulakaji aali; a kuji makumi aali.

Ubutukilo 38:13

Umwe yalweza Tama ngwenyi, Tala, tatenu-weno kanayi ku Timna kutewula mapanga jenyi.

2 Samuel 19:32

Bazilai te mukulwana chikolo, kali ni makumi nake a miaka. Iye te wazumbwile mwanangana shimbu apwile ku Mahaneme, mumu mutu munene chikolo.

Jobe 1:3

Upite wenyi tununu shimbiali a mapanga, tununu atatu a tumelu, kulakaji atano a makanga a ngombe, kulakaji atano a yimbulu a yihwo, ni atu a ha zuwo lienyi anji chikolo. Kashika yono lunga wapwile munene kuhiana eswe a ku yifuchi ya Chivumbuko.

Jobe 42:12

Yehova aye yawahisa matangwa a Jo a kusula kuhiana uputukilo. Wapwile ni kumi lia tununu ni tununu awana a mapanga, ni tununu asambano a tumelu, ni kanunu ka makanga a ngombe, ni kanunu ka yihwo ja yimbulu.

Miaso (Masamu) 17:14

Ngulamwine kuli atu, yena Yehova, ni kwoko lie kuli atu a hano hashi, waze ali ni chihanda cho mu mwono uno. Wakukuchisa majimo jo ni yuma ye yipema ya kusweka. Hanayuku ni ana, kakuhichika upite wo kuli ana jo.

Yishima 30:22

ngwami, Ndungo muze hapwa mwanangana; ni chihepuke muze hakuta;

Yoshua 15:55

Ni Mayone, ni Karmela, ni Zifa, ni Yuta,

1 Samuel 15:12

Samuel yalimeneka chimenemene akatakane ni Saulu. Yalweza Samuel ngwo, Saulu yeza ku Karmela, yalimikina luliwe lwa kumwiwuluka, yalumuka, yapalumuka ku Ngilingali.

1 Samuel 23:24

O yakatuka, yatetekela Saulu ku Zife. David ni malunga jenyi o apwile mu puya ya Mayone ku Arapa ku Sule ya Njeshimone.

1 Samuel 30:5

Ni mapwo aali a David hanaambata funge; Ahinoame Ka-Yezerele ni Abigale yoze wapwile pwo lia Nabale wa ku Karmela.