1 Samuel 24:8 - MUKANDA USANDU WA ZAMBI 1975

⁸ Kulutwe David yakatuka nawa, vatuhuka mu chivwenge, yasanyika Saulu ngwenyi, Mwene wami, mwanangana! muze Saulu watalile kunyima David yahetamina hashi nikumulemesa.

Mukanda Wa Zambi 1970

⁸ Kulutwe David yakatuka, nawa, yatuhuka mu chivwenge, yatambika Saulu ngwenyi: “Vulie mwanangana!” Saulu yatewuluka, David yahetama ni kumuwayila,

1 Samuel 24:8 Iomraidhean Croise

Ubutukilo 17:3

Apalama yafulamana ha meso jenyi, mba Zambi yahanjika nenyi ngwenyi,

1 Yitanga Ya Mianangana 1:31

Bate-Shipa yalihetamina ni meso jenyi hashi nikuwayila mwanangana ngwenyi, Vulie! mwene wami mwanangana David.

Kutuhuka 20:12

Lemesa tatenu ni noko, hanga matangwa je akapwe anji mu chifuchi chize Yehova Zambi ye kanakwehe.

A-ROMA 13:7

Hanenu kashika kuli eswe yize Chanutamba kuhana kuli ayo; milambu kuli akwa kutela milambu; lijimu kuli akwa lijimu; woma kuli waze chatamba kwavwila woma; ulemu kuli akwa kutela ulemu.

1 Petulu 2:17

Lemesenu atu eswe, zangenu mandumbu, ivwenu woma kuli Zambi, lemesenu mwanangana.

1 Samuel 20:41

Muze mukweze haya David yakatuka ku liwe sali lia ku Sule, yafulamana hashi nikuhetama katatu. Yalimbeja, nikulila umwe ni mukwo alioze David wahianyine.

1 Samuel 24:7

Chocho ni maliji wano David wakunwine malunga jenyi. Kaatayijile kulamba Saulu. Mba Saulu yakatuka, yatuhuka mu chivwenge; yaya kwenyi.

1 Samuel 24:9

David yamba kuli Saulu ngwenyi, Kuchi te nwakupanjika maliji a waze akwamba ngwo, David kakuzanga kunulinga chipi?

1 Samuel 26:17

Saulu yanyingika liji lia David yamba ngwenyi, Alio liji lia yena mwanami David? David yamba ngwenyi, Liji liami mwene wami mwanangana.

1 Samuel 28:14

Saulu yamba kuli pwo ngwenyi, Kuchi anapu? Iye yakumbulula ngwenyi, Umwe mukulwana wa lunga kanavumbuka, Kanalivungu hina lia ngungu. Saulu yanyingika ngwenyi, Samuel, kashika yafulamana hashi nikumuwayila.