1 Samuel 24:6 - MUKANDA USANDU WA ZAMBI 1975

⁶ Yamba kuli malunga jenyi ngwenyi, Yehova angukanjise kulinga chuma chino kuli mwata wami wa kuwayisa ni maji kuli Yehova, ngwolole kwoko liami kulimika nenyi, se Yehova hananuwayisa.

Mukanda Wa Zambi 1970

⁶ yambila tujita twenyi ngwenyi: “Mwene Zambi angukande ha kulinga mwene wami chibi, yoze Mwene Zambi hanawayisa maji. Chahashile kumulinga chibi nichimwe mumu Mwene Zambi hanamuwayisa maji.”

1 Samuel 24:6 Iomraidhean Croise

2 Samuel 1:14

David yamba kuli iye ngwenyi, Kuchi te kwevwile woma wa kwolola kwoko lie mukushiha yoze hanamuwayisa ni maji kuli Yehova?

2 Samuel 24:10

Alioze muze hanalula atu mbunge ya David yiyimuhisa. David yamba kuli Yehova ngwenyi, Hinavulumuna chikolo ha kulinga chuma chino, alioze haliapwila ngunalembe, Yehova, Chiza uhenge wa yami kavumbi ke, mumu nalinga ni uhepuke wunji.

1 Yitanga Ya Mianangana 21:3

Nabote yamba kuli Ahabe ngwenyi, Yehova achikanjise! Chichi kuhasa kukwaha chihinga cha tulamba twami.

Mateu 5:44

alioze yami ngunambe kuli yenu ngwami, Zangenu akwa kole jenu, Wahisenu waze akunushinga, lingenu kanawa kuli waze akunuvwila kole, lembenu hali waze akunusaula ni waze akunuhungumiona;

A-ROMA 12:14

Wahisenu waze akunuhungumiona, wahisenu, kanda nushingana.

1 Tesalonika 5:15

Kanyamenu niumwe kanda afwetesa kuli mukwo yipi ha yipi; alioze kaulenu yipema matangwa eswe, umwe kuli mukwo, ni kuli eswe.

1 Samuel 12:3

Yami uno. Shindakenyenu ha kutwala kuli yami kumeso ja Yehova ni kumeso ja yono hanawayisa. Ngombe jaya natambula? Hanji chimbulu? ya mbongo, iya? Napinjisa iya? Kuli iya natambula chindo ngujike nacho meso jami? Ambenu nguchihilwise.

1 Samuel 24:7

Chocho ni maliji wano David wakunwine malunga jenyi. Kaatayijile kulamba Saulu. Mba Saulu yakatuka, yatuhuka mu chivwenge; yaya kwenyi.